Quarta-feira, 19 de Janeiro de 2011

L Natal de 2010 (1)

Yá bos cuntei cumo fui l miu último Natal? Tengo que bos cuntar.

 

Quedei solico an casa, porque la mie tie i ls mius rapazes fúrun a passar l Natal cun mius pais i cun mius suogros i naide quijo alhá la mie persença. Até lhebórun la tartuga, que tamien nun querie passar l Natal cumigo. Mas para antenderdes porquei, tengo que bos cuntar cumo fui la mie última Páscoa.

 

Na Páscoa de 2010, recebimos eiqui an mie casa mius pais i mius suogros. Mas cumo mius suogros nun conhécen Miranda, treminamos un passeio para conhecermos l praino mirandés i darmos uas buoltas de burrico. Todo bien, mas quando eilhes chegórun, ampeçórun a dezir que la biaige fui mui cansatiba i que, afinal, nun íban a salir de casa.

 

Anton i nun quereis coincer Miranda, perguntei you, meio oufendido. La mie tie tubo lhougo ua eideia i cuidou de ma dezir: Jesé, bais un cachico pa l scritório, percuras eimaiges de Miranda an la anternete, juntas-las nun powerpoint i apuis mostras-las a to la giente. Assí, yá mius pais quédan a coincer Miranda.

 

Inda tentei dezir que nun yera la mesma cousa, mas cumo sabie que nun balie la pena protestar, alhá fui pa l scritório, anquanto to la giente se quedou na sala a cumbersar. Antrei ne l Google, screbi "Miranda", percurei eimaiges i la purmeira que ancuntrei fui esta:

 

Este google ye un cachico tarado, pensei. Mas cumo quije perceber aqueilho, carreguei ne l link i alhá fui a çcubrir la rezon de esta rapaza aparecer cumo Miranda. Fui a tener a un site solo cun eimaiges deilha i çcubri que eilha se chama Miranda Kerr. Solo para bos dar ua eideia, deixo eiqui algues eimaiges.

 

 

 

 

 

 

 

 

 

 

Cumo se esso nun bastasse, ancuntrei eiqui un bídeo altamente sugestibo, subre la partecipaçon de Miranda Kerr i outras rapazas nua cousa que ye l calendairo Pirelli.

 

The Making of the 2010 Pirelli Calendar by Terry Richardson from Rafael Rubira fashion4fun.com.br on Vimeo.

 

 

Pus-me a ber esto i, cunfesso-bos, cumo un home nun ye de ferro, las mies calças ampeçórun a quedar un cachico apertadas i zapertei ls botones i l fecho i tirei acá para fuora la gaita, para ber se eilha se acalmaba i drumi-me outra beç. Nesse momento, la puorta abriu-se i antrórun mius sogros, mius pais, la mie tie i ls mius rapazes.

 

You inda tentei splicar porque staba a ber aquel bídeo i porque tenie la gaita an la mano, mas faltórun-me las palabras. A eilhes, nó. Oubí tantos ansultos, que le perdí la cuonta. Quando eilhes se fúrun ambora, la mie tie acusou-me de ir pa l scritório a masturbar-me i dixo-me que durante seis meses, nun irie a haber sexo antre nós. You inda tentei splicar-le que assí tenerie que masturbar-me mais, mas eilha nun quijo oubir-me.  Felizmente, eilha nun fui determinada ne l castigo i passados uns dies, fazímos "sexo de fazer las pazes". Fui de tal maneira, que ls bezinos nun pregórun uolho to la nuite.

 

Mius pais i mius suogros nun me fálan zde esse die i fui por esso que you passei l Natal solico. L melhor Natal de la mie bida, digo-bos yá. Mas cumo este testo yá bai grandico, cuonto-bos apuis cumo ye que fui.

publicado por Jesé Silba às 13:46
link do post | comentar | Adicionar als purferidos
|
3 comentairos:
De Antonho a 23 de Janeiro de 2011 às 16:02
Arrecaralcho, dua assentada, scorraçar pais i sogros. l que bos baleu fui la buossa tie, aposque que bien la nas antranhas nun quedou çcuntenta.
...´bengan ls próssimos capitulos,



De adelaide a 23 de Janeiro de 2011 às 23:10
Que quelóquio!!!
Ua cena que nun lhémbra al diabo!!!
Alhá se fúrun ls suogros sien coincer Miranda de l Douro...


De Calros f a 25 de Janeiro de 2011 às 17:06
Siempre pensei que Miranda habie de ser asssi guapa, mas nunca naide me habie amostrado ls retratos: agora yá los puodo amostrar you als outros, para cunfirmaçon de la mie çcunfiança.
Cunfirma-se que essa giente de porende abaixo, son ampinados que bonde, anque que suogros de mirandeses: apuis admíran-se que l genro tenga que botar-le ua segóbia, para çcargar ls nérbios de ls aturar.
Cunfirma-se tamien que Miranda anda al ritmo de l restro de l mundo: tamien alhi se bai ao Google.
Parabienes, la cousa promete.
Calros f


Quementar

Creative Commons License
This work is licensed under a Creative Commons Attribution-NonCommercial-ShareAlike 3.0 Unported License.

.Partecipar

. Partecipar neste blogue

.Ls Outores

.Antradas

. Cun Deboçon mas sin Perbe...

. Bacanças ne l Lhitoral

. Belas firmes, hasteadas i...

. La Rata Znuda

. 30 anhos ó mais

. McGregor

. Ancontro de bloguers

. Bien mos podemos anganhar...

. Passeio de bicicleta pu l...

. Que mundo ye este?!

.Arquibos

. Janeiro 2014

. Agosto 2013

. Outubro 2012

. Setembro 2012

. Junho 2012

. Maio 2012

. Abril 2012

. Março 2012

. Fevereiro 2012

. Janeiro 2012

. Dezembro 2011

. Novembro 2011

. Outubro 2011

. Setembro 2011

. Agosto 2011

. Julho 2011

. Junho 2011

. Maio 2011

. Abril 2011

. Março 2011

. Fevereiro 2011

. Janeiro 2011

.tags

. todas as tags

.Janeiro 2014

Dom
Seg
Ter
Qua
Qui
Sex
Sab

1
2
3
4

5
6
7
8
9
10
11

12
13
14
15
16
17
18

19
20
21
22
23
24
25

26
27
28
29
30
31


.Lhigaçones

.antolhados


Estadisticas gratis

Contador de visitas
blogs SAPO

.subscrever feeds