Sábado, 3 de Setembro de 2011

Gastar tiempo i feitiu cun xodairadas

Mie querida Çáncia, de la pareilha de “grandes leitoras” de Freud i de rebistas femeninas ( que dirie Freud desta mistura?!), que pássan tardes anteiras santadas ne l café a la cumbersa cun homes “antradotes”,

 

Ou, por outras palabras,

 

Mie putéfia rosqueira, armada an fina,

 

Ou inda, nun mirandés mais eiqui de casa,

 

Ah sou xodairo de l caralho,

 

 

Sabes que you nisquiera era para te respunder, mas cumo beio que sós de las que bos gusta spechocar, spechocar, spechocar, ate zapaçenciar un home, para que apuis bos chegue la roupa al pelo i bos deia uas “nalgadas” antes de bos lo ancabar, eiqui bai anton, mas nun cuides que me bou a dar al trabalho de te zmintir las lhonadas que cuntas, que you nun me amarro para acaçar uas cinco crouas qualquiera. Yá quando miu abo anteimaba cumigo que la tierra era praina i que l sol ye que andaba de buolta ( l que el bie, nun percisaba de lo procurar a naide…) ou que ls homes nunca habien ponido las patas na lhuna cousissema niua, ya anton you tamien nunca l zmintie. Para quei?! You quando beio assi un çparate graúdo, ate le questumo dar ua animadela i dezi-le que ten rezon, que da mais grácia, de maneira que tu cuntina culas tues baboseiras que you stou cierto que ls leitores deste blogue – la nata de la sociadade mirandesa -  cul sou altissemo calibre cultural, nun ban a buer l’auga trúbia de ls tous “delareios” quando ye un xodairico roin cumo tu a assobiá-le.

Agora, dua cousa queda cierta: ye berdade que tengo un cumplexo de Edipo “mal resolbido” cun mie mai. I tamien ye berdade que nun fago tançones niuas de l “resolber”, Dius me lhibre i guarde de l tener “bien resolbido”, nien you beio cumo se puoda resolber assi ua cousa dessas tan cumplicada, cun nome strangeiro i todo. Talbeç se you le fazisse a mie mai l que l 13º peloton de anfantarie de Bila Rial le fizo a la tue…

I tu, ah Çáncia, tu nun tenes cumplexos? Talbeç de Eilectra, ora si. Calhando, a ti, si se te  antolhaba resolbé-lo, mas bás-te a ber fodida, que las tues rezones inda son mais “ampeditibas” que las mies. Pus claro, nun sabes cun quien le hás de resolber que nun cunheces a tou pai nien tue mai te lo puode dezir, que staba scuro quando te fizo i inda porriba eilha staba de cuostas, nun fui capaç de le ber la cara.

Mas ye mais: tu i esse tal Jung (que you nun cunheço, mas que çcunfio que seia l buosso xulo, que tamien starie alhá ne l tal café, que isto yá se sabe, yá dezie l miu anstrutor de cunduçon, se aparecer ua bola, trás deilha aparece un garoto, i you acrecento: stando ua puta, trás deilha aparece un xulo, anton tu i esse tal spirro de punheta mal batida dais buoltas para ber de me acusar de nun gustar de ties. Ora, ora, a ber se you antendi: you quiero ser cumo Adan, que ye l arquenunseiquei de l home, i que nun le gustan las ties porque bias de se negar a poné-se an Eba… ua mulhier que nunca eisistiu. Pus bá, tengo que bos dar rezon: you, se nun eisiste, nun gasto tiempo nien feitiu para le papar la rata, para punhetas a pansar an mulas que nun eisisten bien bundórun las que toquei antre ls 6 i ls 8 anhos, anquanto nun apareciu miu prima Diolinda para m’andustriar i ampeçar a fazer de mie l fodedor oulimpico que sou hoije.

Yá donde nun teneis rezon ye an dezir que beio l “sexo heterossexual” solo cumo un modo de reproduçon. You beio l “sexo heterossexual” cumo aquilho que ye: un pleonasmo, ua redundáncia, mal acumparado, ye, cumo tal, dezir: beio la cal branca de la parede. Para mie, mie linda, sexo nun hai outro, solo esse, que tu, culas manies de las fineces, le chamas “heterossexual” i que you le chamo foda, foder, cumo todo mundo bien formado le debe chamar querendo que se saba de l stamos a falar.  

I anton, scuita, to la tarde ne l café, tu i essa Marie (tu dizes Marie, mas you bien sei que ye esta Figenia que anda eiqui a rabiar ne ls quemantairos i que sta cun miedo que pori nun chegue par’eilha… tranquila, que chega para l amberrumar a todo mundo, habeis de salir las dues deiqui mais squadriladas que la burra de tiu Albano) ls tres, anton, de cumbersa, para solo buer un cafezico. Ora, caralho, a fazer sala a la puta que bos pariu, la bida sta fodida i custa-le a todos, l duonho ten que pagar la letecidade i las licenças de l camara, foda-se…

ou bos inda buistes uas garraficas de “Magos”, mas serbidas nas xícaras de l cha, por bias de nun parecer mal?!...

 

publicado por poucabergonha às 03:19
link do post | comentar | Adicionar als purferidos
|
3 comentairos:
De Anónimo a 6 de Setembro de 2011 às 23:31
A mi gusta-me mulheres anteiras nó mulheres xodairos que spechucar a quien nun le gusta? You sou mulher anteira, nó xodairos cumo Figenie (l nome meio atrabessado de franciu) que Çancia yá ten mais haber cun fodelhona pertuesa mas toda la tagarelice que mostra parece que ye solo paleio de mulheres que le gusta falar, falar, falar, puis mulheres anteiras, quando falo mulheres anteiras nun quier dezir que nun le gusta foder, gusta-le i muito até rebirar ls uolhos i apuis perder-me ne ls braços acunchegados de home peludo. Agora esses dous xodairicos que nun balen ua croua furada benén eiqui armadas un francesas l raio que las parta.
Para ti Pouca Bergonha, you nun ando a querer desancaminar-te mas tu nun bás na conbersa de las dues porque apuis todo se bai a saber i tu perdes l que tenes bindo a grangear de admiraçon un todas las mulheres que benen a ler l blog. Apuis eilhas arman-se, tenen la manie que son eiteletuales i saben uas cousas i anton para apanharen uas borracheiras stan por ende.

Apuis para nun ser acusada que fago comentairos anónimos enda bai l meu andereço: Carrapita Aldoça-Rue de las quatro squinas, nº4-Chão de la Ribeira-CAPA LONGA


De Figénia a 14 de Setembro de 2011 às 01:20
Por muito que bos sforçades para nun parecer anónimo, cuntinais anónimo i nó menos cobardolas... Dai la cara home, peito a peito, frente a frente i apuis falamos.
Mulhieres anteiras!!!! Sabereis bós l que son mulhieres anteiras?! Secálha las que rebirórun ls uolhos, se ye que ls rebirórun ó se stan a anfingir para bos dezir que sodes un cubridor de pormeira, mas que na berdade nien la paixarica l ancomeçou sequiera a calcer quando más a rebirar ls uolhos... Cuitadico de bós, debeis de ser un grande cornudo i porque l sabeis nun dais la cara para que naide se ria...
Sabeis que mais? Falai, falai de nós, mais bal assi. L porblema ye quando naide fala n´un.
L miu nome ye Eifigénia mas para ser mais simpres todo mundo diç Figénia, l que an mirandés passa a Figénie que nun ten nada cun l francés. Fi, para ls amigos.

Cun licença,

Figénie


De Anónimo a 16 de Setembro de 2011 às 13:53
Nun me ansulteis que you tamien nó bos ansulto. De ansultos stá l mundo farto. Sou Tie/mulhier de todos ls custados, nien que seia de la custela de Adan, por esso nun sou cubridor mas tanto me gusta por baixo cumo por riba. Mulhieres anteiras son aqueilhas que nun andan a rebirar ls uolhos cun outras mas si solo le gusta homes, caralcho.
Apuis yá me andenteifiquei, puis sou cumo bós Figénia fingida.
Siempre cun eilebaçon,
Carrapita Aldonça


Quementar

Creative Commons License
This work is licensed under a Creative Commons Attribution-NonCommercial-ShareAlike 3.0 Unported License.

.Partecipar

. Partecipar neste blogue

.Ls Outores

.Antradas

. Cun Deboçon mas sin Perbe...

. Bacanças ne l Lhitoral

. Belas firmes, hasteadas i...

. La Rata Znuda

. 30 anhos ó mais

. McGregor

. Ancontro de bloguers

. Bien mos podemos anganhar...

. Passeio de bicicleta pu l...

. Que mundo ye este?!

.Arquibos

. Janeiro 2014

. Agosto 2013

. Outubro 2012

. Setembro 2012

. Junho 2012

. Maio 2012

. Abril 2012

. Março 2012

. Fevereiro 2012

. Janeiro 2012

. Dezembro 2011

. Novembro 2011

. Outubro 2011

. Setembro 2011

. Agosto 2011

. Julho 2011

. Junho 2011

. Maio 2011

. Abril 2011

. Março 2011

. Fevereiro 2011

. Janeiro 2011

.tags

. todas as tags

.Janeiro 2014

Dom
Seg
Ter
Qua
Qui
Sex
Sab

1
2
3
4

5
6
7
8
9
10
11

12
13
14
15
16
17
18

19
20
21
22
23
24
25

26
27
28
29
30
31


.Lhigaçones

.antolhados


Estadisticas gratis

Contador de visitas
blogs SAPO

.subscrever feeds