Domingo, 18 de Setembro de 2011

...

You nun puodo ir al Praino neste fin de sumana. Ben tu a Çamora, Fi! Yá tengo ganas de cheirar la tue teç...

Mira Miguel, you tamien tengo ganas de me anrebulhar ne l tou cuorpo, de te beisar, de t´oubir falar de la Stória, you que desso pouco sei.

Tamien you hoije tenie cousas para porparar que la mie scuola ancomeço hai poucos dies. Inda porriba astanho solo me arranjórun un hourário sumanal de catorze horas... La bida stá mala...

Ben, Fi! apuis ciamos juntos i debrebe apuis te pones outra beç, ne l Praino. Hoije stou a ronsos a uns lhibros antigos, mui antigos, daqueilhes que yá stan más que zlidos i solo cun ua lupa l sou capaç de zlhindar ls mistérios qu´alhá cúntan. Fazes-me tanta falta, Fi!

Bá, yá que assi ye, si te fago la buntade, anque seia por un cacho. Bou acabar l que tengo an manos i apuis boto-me a camino.

Stou apaixonado por ti Fi. Arde-me un fuogo ne l peito, tan grande, tan grande! Stás siempre ne l miu pensar assi que lhebanto ls uolhos de la lupa. Perciso que me botes auga nesta fogueira, que me deias un calmante natural cumo solo tu sabes fazer... Fúrun einesquecibles aqueilhas nuites...

 

Esta cumbersa passou-se al telemóble.

quien ye que habie de registir a estas palabras!?

Cumo stan las cousas, dezireis muitos de bós!!! Anton agora l macho yá chama la fémia, para cubrir!? L que se passaba solo cun las perras, eilhas ye que besitan l perro para se ancadelháren i apuis tenéren ninos, se passa tamien agora yá cun ls houmanos.

Antiempos eilhes, dezireis, íban d´apie, d´acabalho, de bicicleta, por esses carriles i caminos, para apuis nun passáren para alhá de l postigo... Cuitados, se bien calha, nien un carolico quemien, nien l bien,... mas chenos de ganas de lo apanhar...

Cumo dezirie Poucabergonha, you ye que bou a eilhas... Esto nun ye de macho!!!

 

Outros tiempos digo you, diç Çáncia i outras cumo nós, que somos de l tiempo que somos, sien tirar nien poner, sien talanqueiras que mos préndan, sien aranheiras na cabeça, sien aranheiras nas partes porque ls aranhones nun ténen tiempo d´alhá fazéren casa... Somos nós si, que mos bamos a cubrir mas ye l macho que mos pide que báiamos alhá, porque mos deseia, mos quier cheirar l cuiro i morré-se por sfregantes an nuossos braços, drumido i sereno cumo se tebisse tomado uas pírulas acontra l stresse. Que melhor pírula haberá para un home i ua mulhier do que uas gaitadas bien dadas, cun ouleios atafanhados, ourniares anculhidos, solo para nun fazer mala bezinança!!?

De sangre caliente, pongo l altenóble a trabalhar i, an pouco más d´ua hora alhá starei...

 

 

publicado por Figénia às 13:53
link do post | comentar | Adicionar als purferidos
|
2 comentairos:
De Anónimo a 20 de Setembro de 2011 às 01:29
Nun teneis mesmo bergonha, bós i Çáncia!
No miu tiempo habie moral, las mulhieres sastifazien ls homes, tratában de ls filhos que Dius le daba, cuidában de todo.
Agora solo bibis para abrir las piernas i alrobés, serbis-bos de ls tius a tuorto i a dreito, a spinhicar eiqui i acolhá, cumportamiento qúe a eilhes nun queda mal. Nisquiera sodes capaç de tener un filho... Mas tamien para quei, q´eisemplo!?
A ber se al menos deixais de cuntar ls buossos anrebulhanços! Santo Dius, tamien ye de mais!
Mulhieres cumo bós sodes la bergonha de todas nós , mulhieres sérias.


De Figénia a 21 de Setembro de 2011 às 14:29
Debeis de tener eidade para ser mie abó i por respeito, nun bou a antrar an grandes cumbersas, a la ua porque pula eidade bos debo respeito; a la outra, porque tamien solo perderie l tiempo.
S´érades feliç dessa maneira, respeitai tamien outras maneiras de se ser i, más que todo respeitai las pessonas que nun quieren tener ls cumportamentos que bós teneis/tebistes.
Quien nun gustar de ler que nun entre eiqui...

Figénia


Quementar

Creative Commons License
This work is licensed under a Creative Commons Attribution-NonCommercial-ShareAlike 3.0 Unported License.

.Partecipar

. Partecipar neste blogue

.Ls Outores

.Antradas

. Cun Deboçon mas sin Perbe...

. Bacanças ne l Lhitoral

. Belas firmes, hasteadas i...

. La Rata Znuda

. 30 anhos ó mais

. McGregor

. Ancontro de bloguers

. Bien mos podemos anganhar...

. Passeio de bicicleta pu l...

. Que mundo ye este?!

.Arquibos

. Janeiro 2014

. Agosto 2013

. Outubro 2012

. Setembro 2012

. Junho 2012

. Maio 2012

. Abril 2012

. Março 2012

. Fevereiro 2012

. Janeiro 2012

. Dezembro 2011

. Novembro 2011

. Outubro 2011

. Setembro 2011

. Agosto 2011

. Julho 2011

. Junho 2011

. Maio 2011

. Abril 2011

. Março 2011

. Fevereiro 2011

. Janeiro 2011

.tags

. todas as tags

.Janeiro 2014

Dom
Seg
Ter
Qua
Qui
Sex
Sab

1
2
3
4

5
6
7
8
9
10
11

12
13
14
15
16
17
18

19
20
21
22
23
24
25

26
27
28
29
30
31


.Lhigaçones

.antolhados


Estadisticas gratis

Contador de visitas
blogs SAPO

.subscrever feeds