Sábado, 24 de Setembro de 2011

Un namoro pegado

...i, fúrun an mie casa ls nuossos ancuontos anté que Miguel nun cuntratou ua zinfeçon giral an casa para que se morríssen to ls becharocos de ls papels. Ancuontros cada beç mais juntos i desiados.

Apuis que aqueilha calor fui atamendo i que ls dous ancomecemos a fazer cuontas al palantre nas nuossas bidas, querendo-la bibir ambos a dous, cun planos de feturo, ancuntrábamos-mos uas bezes eiqui, outras an casa del.

Yá que stá para durar, yá que quieres quedar comigo i you tamien quiero, dezie-le you, tenemos que tratar d´alguas cousas. Até eiqui, quando faziemos sexo ousabamos la teç de la camisica a apartar ls nuossos fogos. Agora, cun cuontas de l nuosso relacionamiento ser para durar, al menos assi l speramos, tenemos que fazer análises ls dous, para ber se nun hai qualquiera porblema de salude que un i outro puodamos passar.

Ye berdade, dixo el. Ne ls tiempos que cuorren, sabendo que l amor anda rundando sien apeias, to ls cuidados nun son demás para perbenir. Siempre you assi fago.

Souturdie, un i outro fazimos las análises...

L nuosso namoro staba pegado que nien bacielhos,  a medrar an amor, binha a desiar dar ubas... Un a l´outro mos bundábamos... 

publicado por Figénia às 22:49
link do post | comentar | Adicionar als purferidos
|
2 comentairos:
De Anónimo a 3 de Outubro de 2011 às 20:54
Figénia:

Cun tanta pouca bergonha que tenes andado a fazer, nun me admiro que stéias cun ua galiqueira ou cun Sida!
You nun te conheço mas conheço outras de l tou çambon, aqueilhas que zancamínan pais de famílhia i que muita beç l passais essas malinas.
Ua nagária sien bergonha ye l que bós sodes.

Einocéncia


De Figénia a 4 de Outubro de 2011 às 01:42
Cara Einocéncia,

Li i registrei las buossas palabras i quedei cun la eidé que até quedareis cuntenta se algo de mal me acuntecir.
Até me puode acuntecer tener ua malina dessas; tamien a bós bos puode acuntecer, mesmo que nun seia l buosso tiu a passar-bos, yá que me parece que bós nun sereis mulhier para mejar fuora de l bacio; secalha até sodes,....i stais a armar-bos an santica. Cumo bos dezie, hai outros modos de apanhar Sida mesmo sien dar ua foda sien proteçon cun alguien que nun se conhece bien l passado amoroso. Debereis saber, la buossa einocéncia nun há-de chegar a tanto.
Sabeis tamien: Nun me gústan tius casados. Stan siempre a mirar pal reloijo, a mirar pals lhados para nun séren coincidos, a queréren deixar la cama assi que çpeijan las bolsas cun miedo de l triato que la tie fazerá quando se dir de cuonta de la hora madrugada fuora, de l oulor de ls farrapos, de l nerbioso de las çculpas de que stubo a trabalhar. Apuis son las queixas que dan deilhas anque nun las déixen, bai-se alhá a saber porquei.
You gusto de sentir un home miu por anteiro nien que por solo ua nuite seia, mas, naqueilha nuite you fui rainha, recebendo de l sou reino todas las eiguaries, todos ls mimos, todas las perfeiçones an to ls atos.
You nun sei se stais a falar por spriença própia, acho que ye ua grande houmilhaçon un home anfeitar la cabeça de sue mulhier, mas tamien bos digo, caríssema, que nunca ningua mulhier oubriga ningun home a fazer la sue tie galhada. Se l buosso tiu bos fizo isso, fui porque bien quijo i parai dua beç por todas de culpar las ties para çculpar ls tius.
Parece ampossíble, mas sodes bós mais maxistas que ls próprios tius. I inda bos digo mais ua cousa: l buosso tiu puode-bos ser anfiel sien topar ne l cuorpo dua mulhier, na medida an que fale, ria, çcuta eideias, séia feliç, ó que cumberse cun ua mulhier aquilho que nun fai cun bós.
Ua foda puode nun ser nada, ser ua cousa apenas daquel deseio de cuorpos i nun passar mais nunca, mas las antemidades apenas ne l plano de amisade son bien mais fuortes i ua amiga ou amigo puoden ser aquilho que ua mulhier ou home nun ye an casa, - cunfidente, amiga/o cunquien se sinte bien, cun quien se sinte feliç.
Nun sei para que bos digo isto, bós que antrestes solo a botar-me abaixo, mas nun sei porquei, nun me stá a apetecer anraibar-me...

Sabeis que mais Einocéncia, nun hai cumo ua mulhier ser spriente, puis assi ls tius que fúren cun eilha ban a einobar l mais que puoden para nun se sentíren anferiores... I quien ye que ganha?? Eilha!
Stou mesmo a ber l buosso tiu a fazer-bos siempre l mesmo çque bos casestes, cun l grabe de tener medrado la barriga i la berruma se sumir ne ls antrefolhos... eheheheh!!! Á Einocéncia, carai, pon-te tu porriba!!! Dá-le, senó la fúria de la menhoca bai-se scapando, diç el...
Eheheheh!! Çculpai, mas parece que bos stou a ber. Sabeis que mais!? Mandai-lo a foder se nun bos lhebar al cielo i chegai alhá, bós sola. Anton hei-des star alhá a suar para nada... que an menos de nada aquielha lhumbriç se spurriota toda inda antes de bos topar no ponto G!
Deixa-me alhá calhar, porque, cun esse nome haberá muita cousa que digo que nun antendeis...

Spero que you i Miguel nun téngamos nada, porque, ambos a dous seremos solo un de l´outro, sien dúbida seremos.

Até mais ber!


Figénia



Quementar

Creative Commons License
This work is licensed under a Creative Commons Attribution-NonCommercial-ShareAlike 3.0 Unported License.

.Partecipar

. Partecipar neste blogue

.Ls Outores

.Antradas

. Cun Deboçon mas sin Perbe...

. Bacanças ne l Lhitoral

. Belas firmes, hasteadas i...

. La Rata Znuda

. 30 anhos ó mais

. McGregor

. Ancontro de bloguers

. Bien mos podemos anganhar...

. Passeio de bicicleta pu l...

. Que mundo ye este?!

.Arquibos

. Janeiro 2014

. Agosto 2013

. Outubro 2012

. Setembro 2012

. Junho 2012

. Maio 2012

. Abril 2012

. Março 2012

. Fevereiro 2012

. Janeiro 2012

. Dezembro 2011

. Novembro 2011

. Outubro 2011

. Setembro 2011

. Agosto 2011

. Julho 2011

. Junho 2011

. Maio 2011

. Abril 2011

. Março 2011

. Fevereiro 2011

. Janeiro 2011

.tags

. todas as tags

.Janeiro 2014

Dom
Seg
Ter
Qua
Qui
Sex
Sab

1
2
3
4

5
6
7
8
9
10
11

12
13
14
15
16
17
18

19
20
21
22
23
24
25

26
27
28
29
30
31


.Lhigaçones

.antolhados


Estadisticas gratis

Contador de visitas
blogs SAPO

.subscrever feeds