Sexta-feira, 11 de Fevereiro de 2011

Las Marufas de Bernixe

 

Hai un par de dies que me botórun l cumbite para screbir nesta ourrieta que queda antre l absedo i la abrigada, scundida de pessonas ditas púdicas a fazer lembrar la cuonta de la raposa i las ubas: nun bou a la ourrieta que nun lhiebo nada, dízen, mas siempre que pássan por mi bien beio l mirar que bótan a la mie, acunchegadica por dues nalgas de reina africana, nacida an Angola, filha de pai mirandés i mai mulata. Cheguei nobica al Praino, a bien dezir nien Praino nien arribas, mas abocanhando l melhor que cada ua destas partes ten. Quando me dá la gana pongo la mie ourrieta a la abrigada dun carrasco nas arribas, outras bezes a la selombra d’ua touça de l Praino, ou adonde calha. Inda l outro die, chubie que Dius la daba i sali de carro al scurecer, c’un marmanjo que nien al guiar l altemoble tiraba ls uolhos de las mies tetas. Ó Berenice, Bernixe an mirandés, tu e as tuas marufas deixam-me apardalado! dizie el  a babar-se i you a maçcalhar cumo ua burra de oureilha caída a spera que l carro parasse para fazer ua buona mamada. Pouco faltou para ser no meio l camino, las lhénguas trocában de beiços, las manos afogueában l cuorpo i quando l deixei roçar l timon nos quartos  corrie la paixarina an bica soltando labaredas de deseio debaixo l maturral ancaracolado no berbulhon de l prazer. Antricei-lo até la raiç ua i outra beç sien parar até l  maremoto de tremideira bulcánica me chimpar spasmódica no sintalho esticado de l carro.

Cumo bedes, l tiempo que tengo ye scasso para star eiqui cun bós a cuntar partes de la mie bida na antemidade. Si l fago porque ye na nuossa lhéngua i tamien para ber se algun antolhado perde la bergonha i me bai a pedir a miu pai porque guapa, cun chicha de purmeira culidade, cabrica caliente i inda solteira pouco haberá por ende.

 

De raia molhada, siempre buossa

 

Bernixe

tags:
publicado por Bernixe às 17:49
link do post | comentar | Adicionar als purferidos
|
2 comentairos:
De Çáncia de la Ancarnaçon a 12 de Fevereiro de 2011 às 00:47
Uuuuiiiii Bernixe, la tue maneira de falar deixa-me de ua tal maneira...capaç de me cair de la cadeira, que apuis de ler isto, l sentalho inda sbara más que las rebalinas adonda andaba quando garota.
Ye que, sabes, you tamien sou perdidica por un rapaç nuobo i macho. Mas sou ua rapaza de l seclo XXI i nun tengo porblemas an assumir la(s) mie(s) sexualidade(s). Paco chama-me Gilette, diç que corto puls dous lhados. I assi cun esse tou retrato....ah maiiiiiiii...


De Figénia a 12 de Fevereiro de 2011 às 01:08
ehehehehe! Çáncia, tu nun eisistes!!! Tu beniste doutro planeta...
Stou a milhas de ti, mas agaranto-te que bou a ser buona aluna.


Quementar

Creative Commons License
This work is licensed under a Creative Commons Attribution-NonCommercial-ShareAlike 3.0 Unported License.

.Partecipar

. Partecipar neste blogue

.Ls Outores

.Antradas

. Cun Deboçon mas sin Perbe...

. Bacanças ne l Lhitoral

. Belas firmes, hasteadas i...

. La Rata Znuda

. 30 anhos ó mais

. McGregor

. Ancontro de bloguers

. Bien mos podemos anganhar...

. Passeio de bicicleta pu l...

. Que mundo ye este?!

.Arquibos

. Janeiro 2014

. Agosto 2013

. Outubro 2012

. Setembro 2012

. Junho 2012

. Maio 2012

. Abril 2012

. Março 2012

. Fevereiro 2012

. Janeiro 2012

. Dezembro 2011

. Novembro 2011

. Outubro 2011

. Setembro 2011

. Agosto 2011

. Julho 2011

. Junho 2011

. Maio 2011

. Abril 2011

. Março 2011

. Fevereiro 2011

. Janeiro 2011

.tags

. todas as tags

.Janeiro 2014

Dom
Seg
Ter
Qua
Qui
Sex
Sab

1
2
3
4

5
6
7
8
9
10
11

12
13
14
15
16
17
18

19
20
21
22
23
24
25

26
27
28
29
30
31


.Lhigaçones

.antolhados


Estadisticas gratis

Contador de visitas
blogs SAPO

.subscrever feeds