Quarta-feira, 9 de Março de 2011

A pedido de bárias famílias

Pus ye berdade, mius amigos: a pedido de bárias famílias, acá stou you para bos andustriar, mormiente ls más nuobos, cula mie refinada filosofie de bida i deixar la paneleiraige que sobra ambasbacada i chena de ambeija pula sabedorie que reçuma de las mies palabras.

Benírun-me acá cun l cumbite, que tamien tenie que screbir, botar ua mano, la çfesa de la cultura mirandesa, património lhenguístico mirandés (l solo património mirandés que you quiero cunserbar ye l miu pellejo), nun sei quei de cidadanie, i assi i assado, laraixas deste donairo. Foda-se! Yá yera perciso tener bien pouco que fazer para perder l tiempo an fodices desta culidade. You fago yá la mie declaraçon de anteresses: stou eiqui para le papar la rata a estas galdérias que ándan eiqui a rabear (yá la çfolhei uas quantas bezes por bias de las “marufas” de Bernixe), stou-me cagando para la lhéngua i para la cultura mirandesas. I cagando de naspas! Apuis, se cun l miu superior eisemplo ls moços más nuobos pudíren daprender i custruir ua personalidade más fuorte i zampenada, tanto melhor, ye la mie smola para l tal caralho de la cidadanie.

Isto dezido, peç que tamien que ye de “bom-tom” poner  l “perfil” de l bloguer ne l purmeiro scrito. Anda-te c'un caralho! Quando esta fandurraige ampeçou a blogar, yá you quemie pan cun códia, mas assi i todo nun custa nada dezir subre ls lhibros i ls filmes que fazírun de mi l filho de la puta que sou hoije.

Antes que nada, haberá que dezir que sou you l purmeiro que pon l retrato eiqui (ls quartos i las tetas de Bernixe nun cúntan que nun se le bei la cara), l que nun admira nada: you sou l más guapo de todos i l solo que ten tematos para assinar cun l nome de le ponírun na pila. Na pila, nun ye na pixa, ponei-bos a misturar l mirandés i l pertués, nun téngades cuidado culs falsos amigos, i apuis dezi-le que bos perdistes, que bos fodistes, na traduçon.

Cumo todos ls garotos de la mie geraçon (nó, caralho, you nun sou desses de la geraçon rasca, ó à rasca ó la puta que ls pariu, que nunca l’amostrei l culo a naide, muito menos a un menistro, bamos que l gaijo staba de palo feito!... bien bóndan las anrabadelas que ls menistros me dan sien l'abeixar las calças), you medrei a ber la Heidi, berson para machos: ls eipisódios purferidos yeran “Heidi i las outras cabras” i “Heidi trás de la muntanha”; mamei culs zeinhos animados checoslobacos todos de l Vasco Granja (foda-se, que aqueilha merda yera ampossible, apuis daqueilhas anjeçones, anté parece ampossible que inda diga cousa cun cousa, nun sei se chegarei als 40 sien ir a ber al psiquiatra); cumo mi mai querie melhor haber tubido ua nina, tamien me cumpraba ls lhibros de l’Anita, mas you desses solo li 2: “Anita yá ten pinteilho” i “Anita ne l banco de trás de l carro”.

Apuis medrei, fizo-me moço i, cumo cumben saber botar assi uas tiradas subre lhiteratura na mesa de l café, inda fodi la miolheira algun tiempo a ler, mas solo ls clássicos: “La Morgadinha antre ls Canabiales”, “Las puticas de l Senhor Reitor”, “Ls Mamaias”, “ Frei Luis i la Cousa”, “Ls culos de las de Judas”, “Fodidamente al Lhunar”, “Ourico, l de ls Bicos” i l redadeiro que dou fé de ler, “Caí-me”, que me l metiu Marilice nas manos i diç que nun lo porbaba anquanto nun l lisse, i fui-me-lo splicando, diç que ye ua cuonta subre la custruçon de ua eigreija ó un cumbento ó l caralho, i que anton andában a acarrear piedra pa la eigreija nua jangada de la piedra – que diç que ye assi a mod’ua carroça para lhebar piedra – puxada por un eilefante, i apuis naide se morrie ante que un anho se morriu Ricardo Reis i ls outros quedórun todos ciegos, isto todo a mode copiado de un de ls Eibangeilhos adonde stan to ls nomes, foda-se, bien se bei que Marilice nun me cunhece, nien ua punhada nien un tiro nien ua amberrumadela, caralho m’arrafoda la cuonta, nun ye cun estas cumbersas que me la lhebanta de l chano.

Fáltan ls filmes de la mie bida i cunfesso que sou más scolhido que culs lhibros, sou un bardadeiro cinéfilo (cumo sabeis cinéfilo ye ua palabra de ourige griega que quier dezir aquel que fode ne ls cinemas – cine+filo: "cine" de kinzentopoulos, que na Grécia antiga ls cinemas solo dában a branco i negro, cinzento; i “filos”, an Griego, aquel que fode, i que por complexos fenómenos lhenguísticos bieno a dar an Mirandés “catrafilar”, e.g., “Poucabergonha catrafilou l’afelhada de l morgado”, nun stéiades bós a la spera de le sacar ls trés a la rapaza, quedais de boca abierta cul miu saber, ora si?!

Buono, de cinema, tirando-se la filmografie de Sá Leão, un eiluminado que por todo l que dou pal oudiobisual pertués bien merecie ua quemenda ne l 10 de Júnio, you beio caralhos cun bien menos i debrebe le punírun la buolta al cachaço, tirando-se estes, de l restro ye todo eigual, l que nun quier dezir que nun haba que tener cuidado na scuolha de l filme quando cumbancemos un xodairico a ir al cinema cun nós. Hai que tener cuidado i nun ye pouco, mormiente cun la banda sonora: nun squecer de scolher filmes cun música adonde haba muito rugido, gritos i bózios, assi a mode que puoda abafar ls gemidos que la tuntica bai a dar nas filas traseiras i ls xlurps, xlurps, xlurps que eilha há de tener que fazer culs queixales.

Caralho, para perfil yá bonda, bien diç l dito, screbir i foder ye solo ampeçar, quien fode ua fode un ciento assi haba berga (eiqui santido denotatibo) i tiempo, you a screbir ye mesmo cumo a foder, ye bota, bota, bota, nun se me lhembra quien stá ambaixo, neste causo, a ler, querendo, a estas rapazicas nuobas, inda le puodo cuntar más, mas yá sabeis, sien uns xlurps nun hai pan para pitos, neste causo, pitas. Sien pitos, cun buono pito!

publicado por poucabergonha às 00:47
link do post | comentar | Adicionar als purferidos
|
6 comentairos:
De amadeuf a 9 de Março de 2011 às 01:41
Ye un gusto ber-te por acá, á poucabergpnha. Cun un currilo desses, quien dezirie..., la cousa pormete. Rialmente eideias nun te fáltan, assi tamien nun te falte la gana para benir eiqui.


De António Cangueiro a 9 de Março de 2011 às 11:46
Bós que de l buosso ampério...arrefudice, solo bós, caralho, cun un perfil destes... qual zeca marinho, canarinho... nun hai anglesa, spanhola, mirandesasa, citadina, aldeá que se bos scape. Apuis sois un lhetrado, un eiluminado, tantas lheituras, puis inté Ls Abengelhos, nien que seia ls de Saramago, grande scuola...la Morgadinha, bueste todo l que habie para buer, agora ye solo polo un prática...bós cun tanta fartura nun bos bireis, isso serie ua fodice...

Abraço i botai, botai, nien que seiades bós a sgalhalo..



De Bernixe a 9 de Março de 2011 às 15:22
Á tu queries ber más que ls quartos i las tetas?!?! Antolhado ye que sós.
Se te dou a cheirar la çanfona bai a salir lindo l baile, ó se bai ... açuma Poucabergonha! i hei de te sentir a fazer xrlaps para arrojar l'einfierno cumo ye debido.
Un chi de la buossa
Bernixe


De Figénia a 9 de Março de 2011 às 19:22
Ui home que yá stou a maçcalhar de tan salida, apuis que li essa tue biografie. Ye desses que you gusto, assi letrados.
Yá que tu nun amenteste an mi, anuncio-me you, para ber se inda damos porende uas buoltas que an xlurps sou you cpecialista. Mira que las que te puoden asparecer mais sonsas, son al fin al cabo las mais cundanidas.
I nun me digas nada subre aqueilhas que nien ua praga puoden ler nun testo sien que se alboróten an refilanços...

Bernixe, cheira-me que será cun este que bamos a spormentar algo a trés...Que te parece???


De poucabergonha a 10 de Março de 2011 às 01:27
Buonas nuites, giente buona!
Purmeiro ls homes (isto ye cumo al quemer, deixa-se l doce pal fin):
Buonas palabras las buossas, que you, eiducado que sou, agradeço. Mas nun béngades acá cun muito arremissaco que nun quiero muita cunfiança nien tengo eidade para grandes antusiasmos, a mode teson de l mijo. You stou eiqui para eiducar la mocidade, que puoda seguir l miu eisemplo de bida. I sendo la eiducaçon ua batalha grande, nun me puodo poner a fazer refenes, hai que passar todo a filo de spada, l que yá me lhieba a zbiar la cumbersa para las rapazas, estas guapas que me hounrórun cul quemantairo. Anton bós, mies lindas, si bos gustou la cumbersa?! Debrebe piquestes, nun sei se bos saque yá de l ribeiro, se bos deia un cachico de lhinha para bos cansar. Á Fi, tu nun lhiebes a mal nun haber amantado an ti!, tu nun beis?, fui por querer, (tengo que splicar todo, caralho, senó ls garotos nun daprénden) assi ressabiada cunsante quedeste, cun miedo de perder la beç, nun tardas an te botar de cabeça a meté-te-me ambaixo. Tu berás quando te acaçar adonde canta la raposa cumo nistante t'amostro l que me gústan las santulárias. I essa Çáncia que anda eiqui a rodar i que nun quijo dar parte de fraca, eilha que nun cuide que scapa al castigo. cun las amportanças que ten, mama-lo cumo las outras i inda bai a ser la lhambisquice que me sabe melhor.



De Çáncia de la Ancarnaçon a 11 de Março de 2011 às 00:55
Senhor Poucabergonha( se acauso este ye nome de giente): You aceitei l cumbite de Jesé para screbir neste blogue cun toda la buona buntade, porque antendo que ye buono screbir an mirandés i tener lhibardade para screbir l que un quejir.
Mas l que nun stou ye para ber l miu nome arrastrado an screbenhadelas pseudolhiterairas. Deixe que le diga que nun em ampressiona cul sou paleio de proto macho latino de meia tigela, ó de meia malga, ya que stamos a screbir an mirandés.
Qualquiera un puode ber que l sou çcurso nun passa de ua maçcara para scunder sabe-se alhá que scaletos de que almairo, muita frustaçon anfantil i ua latente misogenie, miedo an relaçon al sexo que tanto le gusta fazer caçoada. You eirie mais loinge i apostarie nua ampotencia eimanente que tenta contornar i fazer squecer cun essas pseudograçolas de mal gusto. Ye por isto que le pido que eibite amantar ne l miu nome ne ls comentairos públicos que aguemita an sitios adonde so ye cumbidado. Nun cuide que somos todos de la sue laia nien tenemos bagar para las sues baboseiras. Passe bien!


Quementar

Creative Commons License
This work is licensed under a Creative Commons Attribution-NonCommercial-ShareAlike 3.0 Unported License.

.Partecipar

. Partecipar neste blogue

.Ls Outores

.Antradas

. Cun Deboçon mas sin Perbe...

. Bacanças ne l Lhitoral

. Belas firmes, hasteadas i...

. La Rata Znuda

. 30 anhos ó mais

. McGregor

. Ancontro de bloguers

. Bien mos podemos anganhar...

. Passeio de bicicleta pu l...

. Que mundo ye este?!

.Arquibos

. Janeiro 2014

. Agosto 2013

. Outubro 2012

. Setembro 2012

. Junho 2012

. Maio 2012

. Abril 2012

. Março 2012

. Fevereiro 2012

. Janeiro 2012

. Dezembro 2011

. Novembro 2011

. Outubro 2011

. Setembro 2011

. Agosto 2011

. Julho 2011

. Junho 2011

. Maio 2011

. Abril 2011

. Março 2011

. Fevereiro 2011

. Janeiro 2011

.tags

. todas as tags

.Janeiro 2014

Dom
Seg
Ter
Qua
Qui
Sex
Sab

1
2
3
4

5
6
7
8
9
10
11

12
13
14
15
16
17
18

19
20
21
22
23
24
25

26
27
28
29
30
31


.Lhigaçones

.antolhados


Estadisticas gratis

Contador de visitas
blogs SAPO

.subscrever feeds