Sábado, 27 de Agosto de 2011

Respuosta a Pouca Bergonha

Caro Poucabergonha,

Querie-te respunder pessonalmente ne l ancuonto de blogueiros an Angueira, mas cumo nun quejiste ir alhá, bou a respundé-te eiqui pula anterneta. Ampeço por cunfessar que la tue repuosta me spantou pula positiba. Ye berdade que, cumo ye questume, fuste pu l camino de l ansulto pouco manginatibo, mas pul menos tubiste la hounestidade de nun negar la stória de la tue purmeira beç. Admiro-te por esso i solo spero que nun negues outras berdades que tou pai mos cuontou.

You nun sou acontra la houmossexualidade nin la prostituiçon masculina, por esso nun te cundeno por te bestires de tie, nin por pintares ls beiços, nin por andares a bendé l culo a homes ricos que te tratan por Banessa. Cada un ganha la bida cumo puode i naide ten nada cun esso. L que nun me gusta ye que te armes an garanhon i ambentes que fazes esto i aqueilho, quando nin sequiera te gústan las ties, cumo mos amostran ls tous comentairos machistas.

La mie amiga Marie, grande leitora de Freud i de rebistas femeninas, splicou-me que tu tenes un cumplexo de Édipo mal resolbido, cumo se puode ber pula raiba a tou pai i pul amor a tue mai (até tenes ciúmes quando tou pai le salta anriba). Ye l amor por tue mai que te ampide de amar outras ties i ye por esso que sós un houmossexual machista.

Todo esso ye bien bisible na última "cuonta", chamemos-le ass que eiqui publiqueste. Para ti, "la berdadeira Eba" nun ye la rapaza de grandes tetas que Jesé andou a quemer, mas ua tie que nunca eisistiu. Por outras palabras, las únicas ties que te gústan son las que nun eisísten (i tue mai, ye claro). Pior que esso, l home cun quien tu te eidentificas ye un Adan (l arquétipo de l home, segundo Jung) que recusa relaçones sexuales a ua tie. Tamien se puode ber ne l tou testo que bés las ties cumo deprabadas que solo quieren sexo a todo l custo, cousa que tu reprobas, porque inda bés l sexo heterossexual solo cumo un modo de reproduçon.

A mí parece-me que debies percurar un buono psiquiatra para ber se tiras essas eideias antiquadas de la cabeça i se deixas de oudiar tanto las ties. Ó anton, debies cumbersar mais cun tou pai, que ye un senhor i ten un grande zgusto por nun seres tan eiducado cumo el. Ah, i nun te priacupes que el nun se anrolou cumigo nin cun Marie, falou to la tarde, solo buiu un café i nun anda a gastar l denheiro que ganha la sue "Banessa".

tags:
publicado por Çáncia de la Ancarnaçon às 02:56
link do post | comentar | Adicionar als purferidos
4 comentairos:
De Figénia a 27 de Agosto de 2011 às 19:37
Querida Çáncia:

Sós fina que nien un rato!!! Cumo ye que tu chegueste a estas cousas de Pouca Bergonha?
Agora antendo porquei que nunca mos lhebou a ciar!... Bien pudiemos sperar...

Beisa-te,

Figénia


De Anónimo a 28 de Agosto de 2011 às 21:29
Yá nun atendo nada de nadica, parece-me, sien me querer cumparar, loinge de mi tal intento, mas l'outro de hai muitos anhos dezie: "solo sei que nada sei...". Cáncia, Efigénia, putas refinadas mas cun paleio para meter un ne l chinelo i apuis solo you fago comentairos cun nome próprio. Mas la Figénia, a mi mais me parece Eugenie, Figenie, sien assento, até pare que a miu oubido sona melhor. Coitado de Pouca Bergonha, nun sei se son teories ou análises de Psiquiatra bien studada, esta de Cáncia fizo-me ir al Google percurar algo subre Jung: "Jung começou a desenvolver um sistema teórico que chamou, originalmente, de "Psicologia dos Complexos". Arrecaralcho, cumo bedes esta çáncia ye sabidona mas puta mui refinada. Apuis até de Adan fala, se calhar tamien stubo apreciar la quemédia de Ruolos l Ampeço de l Mundo... solo sei que nada sei mas siempre daprende un cachico...


De Figénia a 29 de Agosto de 2011 às 15:36
Mira-me agora este anónimo a botar baboseiras subre nós mulhieres...
Figénia, puta refinada... mas claro que nó! Quantos tius l coincistes i siempre solo un sien bicadas fuora de l galho? dous: L legítemo cun quien se casou mas que fedie i l outro cun quien se amuntunou para mal deilha porque la arriatou sien rezon.
A ber se teneis téntio na lhérngua, naqueilho que a mi me diç respeito!...
Se teneis colhones ne l sítio, assinai que apuis you me abengo cun bós!
Quanto a Çáncia, eilha que se pernuncie mas parace-me que tamien bos eirá a apertar bien apertado...

Ne l feturo, lhougo se berá porque stou an que, ls homes nun merécen mulhieres sérias i si stou agora más tirada para me botar a búltio...

Spero ua retrataçon, senhor anónimo! A mi parece-me que sodes bien capaç de ser Poucabergonha...

Besitas,


Figénia


De Figénia a 29 de Agosto de 2011 às 15:34
Mira-me agora este anónimo a botar baboseiras subre nós mulhieres...
Figénia, puta refinada... mas claro que nó! Quantos tius l coincistes i siempre solo un sien bicadas fuora de l galho? dous: L legítemo cun quien se casou mas que fedie i l outro cun quien se amuntunou para mal deilha porque la arriatou sien rezon.
A ber se teneis téntio na lhérngua, naqueilho que a mi me diç respeito!...
Se teneis colhones ne l sítio, assinai que apuis you me abengo cun bós!
Quanto a Çáncia, eilha que se pernuncie mas parace-me que tamien bos eirá a apertar bien apertado...

Ne l feturo, lhougo se berá porque stou an que, ls homes nun merécen mulhieres sérias i si stou agora más tirada para me botar a búltio...

Spero ua retrataçon, senhor anónimo! A mi parece-me que sodes bien capaç de ser Poucabergonha...

Besitas,


Figénia


Quementar

.Partecipar

. Partecipar neste blogue

.Ls Outores

.Antradas

. Cun Deboçon mas sin Perbe...

. Bacanças ne l Lhitoral

. Belas firmes, hasteadas i...

. La Rata Znuda

. 30 anhos ó mais

. McGregor

. Ancontro de bloguers

. Bien mos podemos anganhar...

. Passeio de bicicleta pu l...

. Que mundo ye este?!

.Arquibos

. Janeiro 2014

. Agosto 2013

. Outubro 2012

. Setembro 2012

. Junho 2012

. Maio 2012

. Abril 2012

. Março 2012

. Fevereiro 2012

. Janeiro 2012

. Dezembro 2011

. Novembro 2011

. Outubro 2011

. Setembro 2011

. Agosto 2011

. Julho 2011

. Junho 2011

. Maio 2011

. Abril 2011

. Março 2011

. Fevereiro 2011

. Janeiro 2011

.tags

. todas as tags

.Janeiro 2014

Dom
Seg
Ter
Qua
Qui
Sex
Sab

1
2
3
4

5
6
7
8
9
10
11

12
13
14
15
16
17
18

19
20
21
22
23
24
25

26
27
28
29
30
31


.Lhigaçones

blogs SAPO

.subscrever feeds