Quinta-feira, 30 de Junho de 2011

La purmeira beç

 

 

 

Dous an cada trés de ls mius amigos dezien que l que me faltaba era foder, la cumbersa de l questume. Subretodo dous desses mius amigos de la jolda que andábamos siempre zapacenciában-se porque you le agradaba. Habie un que passaba l die a dezir-me que you staba a la spera de ancuntrar un uobo quadrado i, mentes i nó, iba perdendo muito uobo redondo buono.

La berdade ye que you era spigadota i yá tenie zanuobe anhos. To las mies amigas yá le habien fazido i dezien-me que you tamien habie de ganhar coraige. L problema ye que you staba perdidica por un rapaç de la faculdade i dezie que se inda nun le habie fazido era por bias de inda nun tener calhado al modo, mas hoije beio bien que l que passaba era que you tenie la cabecica chena de cuontas de fadas i cuntinaba a la spera de l miu princepe ancantado ó de un uobo quadrado, sei alhá. De más a más, nun se me squecie l cunseilho de mie mai, que me dezie que l habie que fazer “por amor”.

L causo ye que a meio de l segundo anho, un die cumo outro qualquiera, tube de passar an casa de l miu príncepe a saber de uns cadernos de apontamientos para un eisame. Staba el solo an casa, i andaba todo an bolandas, por bias de la andáren a pintar i a demudar ls almairos de la cozina. L frigorifo i ls colchones de ls quartos stában na sala. Dixo-me que antrara i fumos cumbersando i scuitando uas músicas. Apuis el puso a tocar un disco de ls Scorpions, aquel cun uns çlous mi lhargos i uns solos de guitarra que nun acában. Procurou-me me nun querie dançar. Yá se habie fazido de nuite i el nun habie acendido las lhuzes, mas l scuro nun era cumpleto, por bias de l letreiro neón de un soto de la rue, a acender i a apagar, que altaraba la quelor de ls bidros i botaba ua lhuç stranha, cumo ne ls filmes, quando se apágan las luzes mas cuntinamos a ber las caras a modos a pintadas de azul. Aquel mei’scuro amerosaba las cousas i nun me custou deixar tirar l bestido. Tamien nun tube bergonha quando l senti a zapertá-me l sutian. Ls nérbios que you cuidaba que íban a atrapalhar dában-le campo a un deseio fuorte que me temaba por anteiro.

Fui anton que el abriu la puorta de l frigorifo i la lhuç amarielha çcubriu-mos znudos. Nunca me habie sentido assi tan zamparada i essa fui la mie grande surpresa: dar-me de cuonta de todos i de cada un daquels centímetros de chicha, la de siempre i la nuoba. Ye cierto que me haberie entretenido a medi-los, se nun me ten benido ua tremura fonda, de cuostas pal frigorifo, de donde spreitaba ua trabiessa cun trés bolhos de bacalhau.

 

publicado por Çáncia de la Ancarnaçon às 01:28
link do post | comentar | Adicionar als purferidos
Sábado, 25 de Junho de 2011

In Vino Veritas

 

 

Ancostado a ti
Beiso-te l cachaço i ls ombros
Muordo-te la boca
Cierras ls uolhos
Abro la garrafa
I encho l tou copo

Brindamos i buemos
Tu de l copo, you de la bideira
L bino ye lhiebe, frutuoso, caliente
Spalha-se an pequeinhos rius
Que lentamente síguen l sou curso
La mie boca deten-se an cada pinga

In vino veritas

publicado por Jesé Silba às 13:30
link do post | comentar | Adicionar als purferidos
Quinta-feira, 23 de Junho de 2011

Menumientos

Posque yá habiedes dado pula mie falta eiqui, mas la berdade ye que ando refodido cumo l caralho por bias desta merda. Anton nun quereis saber que tengo la caixa de correio chena de amails a rezungar i a craticar por dezir que nun demudo ls assuntos, que ye siempre la mesma zízara de parracha para trás, parracha palantre, que la mie cumbersa bai siempre a bater a la poça.

Filha de la puta, rabetaige de l caralho, que se anfunísgan anté ne ls sítios más ansuspeitos, i beio que hai muito desses “rapazes sansibles” mesmo eiqui neste lhugar tan respeitable. You eiqui a querer eiducar la mocidade, amostrá-le ls balores que móldan l berdadeiro macho mirandés i donde se stríban las bigas que susténtan ua sociadade sana i respeitable, i l resultado son reporbaçones i malas caras. Que se le há de fazer, ye la sina de ls génios i de quien anda delantre de l sou tiempo.

Inda que ls xodairicos a quien you le amostro esta merdice le retruoçan l nariç, isso inda bá, bien you las antendo, que cada cacho que passo eiqui ye cacho que eilhas pássan cun eilha sacada, agora que homes scorreitos me béngan a çaçamelhar que tengo la cabeça acupada de más cula parracha, isso, caralho, ye cousa que nun me antra na cabeça, nien nua nien noutra; se la de riba ye de más, la de baixo anton quaije nien bei la lhuç de l sol.

Pus muito bien, you stou eiqui para zelar puls balores, mas l miu bun feitiu tamien me lhieba a gustar de le fazer la buntade a las pessonas.

Yá anjoua tanto sexo, bamos anton a bariar ls assuntos.

Aperpongo un roteiro cultural por alguns de ls más einestimables menumientos ouropeus, seinhas que nun se apágan de toda ua cebelizaçon. Para nun ser siempre eigreijas i catedrales (eiqui se bei que a mi me gusta bariar ls assuntos), bamos a ampeçar por un antressante tesouro artístico de la nuossa bezina Fráncia – La Puonte nuoba de Toulouse.

 

La Pounte Nuoba (Pont Neuf) de Toulouse subre l riu Garonne ye ua custruçon de ls seclos XVI/XVII, yá que se ampeçórun a fazer ls sous liçaces  an 1544 mas solo la acabórun an 1632 i solo fui einougurada an 1659 (porqui se bei que há de haber habido uas eileiçones amportantes nesse anho).

Fui zenhada porJacques Lemercier et Pierre Souffron,, i ls repunsables custrutores fúrun Nicolas Bachelier et Louis Privat. Nun lhargura de 260 metros, ten siete arcos zarmanados i las aberturas antre ls arcos fúrun pensadas para repersentar ls çufinos i la boca de lhiones.

Pul que queda dezido, yá se bei que ye ua de las joias de la arquitetura cebil francesa i repersenta bien l refinado balor cultural desse grande paiç.

Más que todo l que you puoda ajuntar, cuido que l más antressante será amostrá-bos la marabilha que hoije mos acupa l pensamiento, ye bien cierto l dito que santanceia que ua eimaige bal más que miles de palabras.

 

 

 

Eiqui la teneis, un tesouro de la Fráncia, la Puonte Nuoba de Toulouse.

 

 

 

 

publicado por poucabergonha às 03:06
link do post | comentar | Adicionar als purferidos
Segunda-feira, 6 de Junho de 2011

L Natal de 2010 (7)

Nunca squecerei la cara de Juan Marie, a oulhar para mi i para Eba, anquanto you la penetraba de pies. Nun sei qual de nós trés quedou mais troumatizado, solo sei que naide cunseguiu dezir nada i que aqueilhes segundos me parecírun eiternos. Até la gaita se me ancolhiu toda, a fazer de cuonta de que nun yera nada cun eilha.

 

Juan Marie corriu pa la sala, Eba bestiu-se mui rapidamente i you quedei parado, sien saber l que fazer.

 

- I agora? Cumo ye que bou a ancarar la mie família?

- You sei alhá! Solo sei que me bou a poner bien loinge.

 

Acabada de dezir estas palabras, saltou pula jinela i corriu tan depriessa, que nun tardou a zaparecer de la mie bista. Anquanto corrie, dei-le ua última mirada al culo i apuis fui-me a bestir pa l miu quarto. Habie ua çcuçon de família a ancarar i serie mais fácele ancará-la bestido, al cuntrairo de l que acunteciu na Páscoa.

 

Quando cheguei a la sala de jantar, yá todos me mirában cun cara de causo.

 

- Yá an moço, yeras assí - ampeçou miu pai - nunca te sentabas a la mesa quando ls outros.

- Nun sei porquei tardas siempre tanto tiempo ne l banho - cuntinou mie mai - qualquiera die, la piele cai-se-te.

 

Sentei-me, çcansado. Stában anfadados, porque pensában que you me habie demorado na casa de banho. La mie tie habie-me chamado, mas nun çcunfiara de nada i Juan Marie nun habie cuntado l que bira. Até anton.

 

Pedi çculpa i ampecemos a quemer l cozido mirandés, que yá solo staba morno. Feliçmente, naide habie arreparado que you staba un cachico sudado, por bies de l eisercício físico cun Eba

 

Mai - dixo Juan Marie, pouco apuis - lhembras-te de la mie porsora?

 

Dei-le ua mirada amanaçadora, para ber se el se calhaba, mas el nun se amostrou antimidado.

 

- Que ten la tue porsora? - preguntou Juana.

 

- Na última sumana de classes, mandou-me screbir ua carta al Pai Natal i you screbi-la. Pedi-le un camboio eilétrico, ua play station nuoba i ua bicicleta i el solo me dou un par de meias - fingiu lhamentar l rapaç i birou-se para mi - pai, nun me puodes dar tu las prendas que le pedi al Pai Natal?

 

Afinal, l rapaç nun yera tan stúpido cumo you pensaba i acabara de me antalar: se nun cedisse, el cuntarie-le todo a la família; se cedisse, starie a assujeitar-me a xantaiges feturas.

 

Mas ls porblemas nun quedórun por eiqui. Antonho, l miu mais bielho, dixo lhougo que tamien nun le gustórun las meias i que querie ua mota i ua jaqueta de cabedal, Juana ampeçou a falar de la crise, miu pai dou un sermon subre l peligro que son las motas, mie mai çcorriu subre la amportança de se poupar, miu suogro ampeçou a falar, cumo fai siempre, subre l denheiro que ganha miu cunhado i la bida que le dá a la sue i als filhos i, cumo se esto todo nun bundasse, mie suogra retemou, de l nada, la cumbersa sobre la quelor de la ourina que habie mejado ua hora antes.

 

You nun stube cun meias medidas. Lhebantei-me, dei un murro na mesa i calhórun-se todos, admirados.

 

- Chega de cunfusones. Stais an mie casa, teneis que respeitar las mies regras. Pai, mai, eiduquestes-me bien, mas nun teneis l dreito de bos meterdes na eiducaçon de ls mius filhos. Miu suogro, se bolbeis a dezir que miu cunhado ganha mais que you, pongo-bos na rue i ides a quemer an casa del. Mie suogra, anquanto stais a la mesa, nun quiero oubir cumbersas subre la buossa ourina nien subre la buossa prison de bintre. Antonho, bou-te a mercar-te la jaqueta de cabedal, mas nun hai mota para naide. I tu, Juan Marie, quedas cul camboio eilétrico i yá bais cun suorte. I ai de ti, mas ai de ti, que buolbas a falar neste assunto!

 

Calhei-me i mirei-los, un por un, ne ls uolhos, a ber se algun tenie coraige de portestar. Todos quedórun calhados. La mie mirou-me cun proua de l sou home i inda mais proua tubo, uas horas mais tarde, yá na cama. La cousa corriu tan bien, que eilha nien sequiera sustubo ls bózios de prazer, cumo questuma fazer nas oucasiones an que mius pais i/ou mius suogros drúmen alhá an casa.

 

Eipílogo: Juan Marie quedou tan cuntento cul camboio eilétrico, que até se le squeciu de la bicicleta i de la play station nuoba. L jaqueta de cabedal de Antonho oumentou-le cunsiderablemente la suorte culas rapazas, para proua de to la família. Mie suogra lhibrou-se finalmente de la prison de bintre i sofriu ua anfeçon ourinária, mas yá stá melhor. Miu suogro zangou-se cun miu cunhado i dixo-le que sou melhor pai de família que el. Joana nunca çcunfiou de Eba, cuntinou a ir siempre a las reuniones de pais i stá mui cuntenta cun las grandes melhories ne ls resultados scolares de Juan Marie, zde Janeiro até agora. Eba mandou-me un e-mail hoije a dezir que querie daprender mirandés nun site chamado "Sendim an Linha" i que l miu filho le mira muito pa las tetas, mas nunca le faltou cun l respeito. Cumo yá nun mos bemos hai muito tiempo, falou-me de algues mudanças de bisual que fizo durante astanho i até me mandou uns retraticos i todo.


 

 

 

 

 

 

 Stá guapa, nun bos parece?

publicado por Jesé Silba às 01:25
link do post | comentar | Ber comentairos (1) | Adicionar als purferidos
Quinta-feira, 2 de Junho de 2011

NO, YOU CAN'T

 

 

NO, YOU CAN'T

 

ó an Mirandés:  TIRA D'ENDE L SANTIDO!

 

 

 

 

publicado por Çáncia de la Ancarnaçon às 16:22
link do post | comentar | Ber comentairos (1) | Adicionar als purferidos

.Partecipar

. Partecipar neste blogue

.Ls Outores

.Antradas

. Cun Deboçon mas sin Perbe...

. Bacanças ne l Lhitoral

. Belas firmes, hasteadas i...

. La Rata Znuda

. 30 anhos ó mais

. McGregor

. Ancontro de bloguers

. Bien mos podemos anganhar...

. Passeio de bicicleta pu l...

. Que mundo ye este?!

.Arquibos

. Janeiro 2014

. Agosto 2013

. Outubro 2012

. Setembro 2012

. Junho 2012

. Maio 2012

. Abril 2012

. Março 2012

. Fevereiro 2012

. Janeiro 2012

. Dezembro 2011

. Novembro 2011

. Outubro 2011

. Setembro 2011

. Agosto 2011

. Julho 2011

. Junho 2011

. Maio 2011

. Abril 2011

. Março 2011

. Fevereiro 2011

. Janeiro 2011

.tags

. todas as tags

.Janeiro 2014

Dom
Seg
Ter
Qua
Qui
Sex
Sab

1
2
3
4

5
6
7
8
9
10
11

12
13
14
15
16
17
18

19
20
21
22
23
24
25

26
27
28
29
30
31


.Lhigaçones

blogs SAPO

.subscrever feeds

Em destaque no SAPO Blogs
pub