Sábado, 24 de Setembro de 2011

Un namoro pegado

...i, fúrun an mie casa ls nuossos ancuontos anté que Miguel nun cuntratou ua zinfeçon giral an casa para que se morríssen to ls becharocos de ls papels. Ancuontros cada beç mais juntos i desiados.

Apuis que aqueilha calor fui atamendo i que ls dous ancomecemos a fazer cuontas al palantre nas nuossas bidas, querendo-la bibir ambos a dous, cun planos de feturo, ancuntrábamos-mos uas bezes eiqui, outras an casa del.

Yá que stá para durar, yá que quieres quedar comigo i you tamien quiero, dezie-le you, tenemos que tratar d´alguas cousas. Até eiqui, quando faziemos sexo ousabamos la teç de la camisica a apartar ls nuossos fogos. Agora, cun cuontas de l nuosso relacionamiento ser para durar, al menos assi l speramos, tenemos que fazer análises ls dous, para ber se nun hai qualquiera porblema de salude que un i outro puodamos passar.

Ye berdade, dixo el. Ne ls tiempos que cuorren, sabendo que l amor anda rundando sien apeias, to ls cuidados nun son demás para perbenir. Siempre you assi fago.

Souturdie, un i outro fazimos las análises...

L nuosso namoro staba pegado que nien bacielhos,  a medrar an amor, binha a desiar dar ubas... Un a l´outro mos bundábamos... 

publicado por Figénia às 22:49
link do post | comentar | Ber comentairos (2) | Adicionar als purferidos
Quarta-feira, 21 de Setembro de 2011

Ando mui aperriada

 

... la mie bida bolbiu-se nua cunsemiçon çque l ourganizaçon adonde you trabalhaba fui a la faléncia i quedei de calças na mano, ne l meio de la ruga, que ye cumo quien diç, sien trabalho i sien l´oudenado de ls dous últimos meses.

Que fago you agora!? Alhá meti un papel para poder fazer algo çfrente, ansinar.

Catorze horas que nien me dan quaijeque para quemer, quanto mais para luxar, pagar las prestaçones de la casa i de l altenóble, gasólio para passiar i todo l mais que ua mulhier percisa para bibir cumo you yá me habie aquestumado. Custa andar de cabalho para burro, ai se custa!!! Inda porriba ando aperriada de trabalho puis nun staba aquestumada a esse género de cousas.

 

Dou buoltas i mais que buoltas al miolho para ber l que hei-de you fazer para apelidar mais uns ouros. Tengo que arranjar seluçon. Que fago  you  s´    adrega tiráren-me l carro, l miu Mercedes tan pimpon, por nun tener denheiro para pagar!

Iba you nestes pensares quando adelantre beio  placas a andicar que stou a chegar a Çamora.

Chube, diç-me Miguel, apuis que toquei no sesto squierdo.

Quando sali de l eilebador yá el me speraba a la puorta, inda cun la lupa na mano.

tengo que acabar de decifrar esta página, apuntou el pal lhibro de fuolhas scurecidas puls anhos.

 

Fui solo chegar-me un cachico mais adelantre i drubar-me parriba un cibico! Atchin! Atchin! Atchin!!!

Zatei a spirrar i slhagrimar que nunca mais paraba. Arre catancho, esta pegou-me sien peç! Cumo ye que you fago agora cun esta becheza de ls lhibros i cun un cumbersado storiador siempre cargado de lhibros para ambestigar, se, a fin de cuontas, you sou alérgica a esta merdaria de antiguidades!?

 

Chegou-se i puso-me las manos ne ls mius ombros çtapados, para me fazer uns carinos. Mais you spirraba...

 

Bai-te a lhabar, home de Dius! Tenes dessa becharia als muntones!

Fui la pormeira beç que nun antrei pa la banheira cun un macho. Noutras circustáncias el me sfregarie a mi i you a el até que l xabon botasse scuma para que las manos se sgobiássen, ls cuorpos se ancustássen, se perdíssen ambaixo la cachoneira d´áuga morna que benie de l chubeiro, mesmo anriba. Habie-mos de mos meter na banheira de sguichos, a sguichar subre nós i a faé-mos medrar.

 

Quedei a spera que l´auga lhebasse aqueilha caterba de bichos pequerruchicos que se acócan ne puolo. Un cachico apuis chegou Miguel anrebulhado nua toalha i todo prefumado. Ui que bien cheiras!, dixe-le you a abraçá-lo. Agora bou you a lhabá-me.

 

Deilhi a pouco era you que benie anrebulhada na toalha. Miguel yá staba znudo i an sfregantes znudou-me a mi. Atchin! Atchin!!

Nun houbo modo de atamar aqueilha spirrarie. Atchin! Atchin!!! Tenes que lhebar esse lhibro de la tue mesinha de cabeceira, se nó, nun teneremos calmantes naturales. I se you tamien stou a percisar!...

Atchin! Atchin! Foda-se Miguel, tengo que te lhabar cun augarrás!...

Ls uolhos staban lhagrimosos, de l nariç pingaba ua augadielha anquelor, ls spirros yá me tenien cansada...

 

Apuis fumos pala cozina, para spormentar s´alhá nun habie requícios daqueilha becheza de ls lhibros i serbirie de qualquiera maneira.

Tamien habie!

Salimos de casa, chamemos l´eilebador i deixemos ua frincha abierta  para que nun oubedecisse a naide.

Atchin! Atchin!

Apuis, meio atafanhada, dixe-le:

Que hémos de fazer Miguel!?

El anculhiu-se...

Tenerás que ir tu a mie casa, dixe you cun ua boç roufeinha.

 

Esto nun bai a tener grandes piernas para caminar, pensei you para mius betones...

 

 

publicado por Figénia às 14:35
link do post | comentar | Adicionar als purferidos
Domingo, 18 de Setembro de 2011

Repuosta a Carrapita Aldonça

Era para salir cumo quementairo a un testo an que Poucabergonha dezie que nun staba para perder tiempo cun xodairadas, mas apuis, sendo tamanho, acho que ye melhor salir eiqui, siempre stá mais a modo.

 

 

Mirai, afinal sodes tie!!!

Ye esso que m´alhebanta i rebuolbe ls fígados!!! Ties que inda son mais machistas que ls tius. S´habides salir pul buosso belhon, nó, zataias a falar de quien ye cumo bós gostariedes bien de ser, mas nun sodes capaç.
Ye siempre assi, fala-se cun delores de quetobielho...
Mulhieres anteiras, anté me dá la risa!!!! Nien l birgo bos tirórun, cumoquiera!? L birgo solo fica berdadeiramiente tirado quando se ten un ourgasmo, i bós, lhembra-se-me que nunca tebistes ningun... Secálha anfingis gemendo, i, l buosso tiu que debe de ser tan nécio cumo bós, anté acardita i nien se dá de cuonta que ls múscalos de ls buossos andrentos stan parados que nien muorto ne l barranco!...
Quien ye que diç que gustando d´horas an quando de ties i de se anrebulhar cun eilhas, nun se ye mulhier berdadeiramente!? Nun sabes acauso que ls cumpleços de que Çáncia fala, nunca se resuolben ne l todo i que mulhieres i homes deseian l mesmo sexo nien que seia an fantasies!? Solo nun ténen curaije de l cunfessar...
You nun bos maltratei, bós ye que ampeceste por me chamar xodairo, a mi i a Çáncia. Ora, you quando stou nua relaçon, sou anteiramente fiel, a nun ser que la cumpanha assi nun querga i me querga ber a ceçar cun outro. Apuis, naide ten a ber cun quien fodo i cumo l fago. Tomárades bós de spormentar las mies loucuras sexuales, mulhier, las mies bariaçones. La giente solo gusta de l pastel de nata, apuis que porba i, apuis que l porba, nun quier outra cousa...
Mirai, se algun die quejirdes fazer parte de nuosso grupo de mulhieres sien aranheiras na cabeça, beni até acá i apuis bereis l que percisais para rebirar ls uolhos... Nunca ye tarde para çprenderdes l sobeio al carro...
Solo bos quiero fazer ua pergunta, mulhier: Quantas bos dá l buosso tiu por nuite? Ó  teneis siempre la cabeça anrebulhada cun farrapo de la cozina a anfingir que teneis delor de cabeça, ou ides a la cama apuis que l´oubis runcar?

 

Besitas,

 

Todo pulas mulhieres,

 

Figénia

 

 

publicado por Figénia às 15:56
link do post | comentar | Adicionar als purferidos

...

You nun puodo ir al Praino neste fin de sumana. Ben tu a Çamora, Fi! Yá tengo ganas de cheirar la tue teç...

Mira Miguel, you tamien tengo ganas de me anrebulhar ne l tou cuorpo, de te beisar, de t´oubir falar de la Stória, you que desso pouco sei.

Tamien you hoije tenie cousas para porparar que la mie scuola ancomeço hai poucos dies. Inda porriba astanho solo me arranjórun un hourário sumanal de catorze horas... La bida stá mala...

Ben, Fi! apuis ciamos juntos i debrebe apuis te pones outra beç, ne l Praino. Hoije stou a ronsos a uns lhibros antigos, mui antigos, daqueilhes que yá stan más que zlidos i solo cun ua lupa l sou capaç de zlhindar ls mistérios qu´alhá cúntan. Fazes-me tanta falta, Fi!

Bá, yá que assi ye, si te fago la buntade, anque seia por un cacho. Bou acabar l que tengo an manos i apuis boto-me a camino.

Stou apaixonado por ti Fi. Arde-me un fuogo ne l peito, tan grande, tan grande! Stás siempre ne l miu pensar assi que lhebanto ls uolhos de la lupa. Perciso que me botes auga nesta fogueira, que me deias un calmante natural cumo solo tu sabes fazer... Fúrun einesquecibles aqueilhas nuites...

 

Esta cumbersa passou-se al telemóble.

quien ye que habie de registir a estas palabras!?

Cumo stan las cousas, dezireis muitos de bós!!! Anton agora l macho yá chama la fémia, para cubrir!? L que se passaba solo cun las perras, eilhas ye que besitan l perro para se ancadelháren i apuis tenéren ninos, se passa tamien agora yá cun ls houmanos.

Antiempos eilhes, dezireis, íban d´apie, d´acabalho, de bicicleta, por esses carriles i caminos, para apuis nun passáren para alhá de l postigo... Cuitados, se bien calha, nien un carolico quemien, nien l bien,... mas chenos de ganas de lo apanhar...

Cumo dezirie Poucabergonha, you ye que bou a eilhas... Esto nun ye de macho!!!

 

Outros tiempos digo you, diç Çáncia i outras cumo nós, que somos de l tiempo que somos, sien tirar nien poner, sien talanqueiras que mos préndan, sien aranheiras na cabeça, sien aranheiras nas partes porque ls aranhones nun ténen tiempo d´alhá fazéren casa... Somos nós si, que mos bamos a cubrir mas ye l macho que mos pide que báiamos alhá, porque mos deseia, mos quier cheirar l cuiro i morré-se por sfregantes an nuossos braços, drumido i sereno cumo se tebisse tomado uas pírulas acontra l stresse. Que melhor pírula haberá para un home i ua mulhier do que uas gaitadas bien dadas, cun ouleios atafanhados, ourniares anculhidos, solo para nun fazer mala bezinança!!?

De sangre caliente, pongo l altenóble a trabalhar i, an pouco más d´ua hora alhá starei...

 

 

publicado por Figénia às 13:53
link do post | comentar | Ber comentairos (2) | Adicionar als purferidos
Terça-feira, 13 de Setembro de 2011

Londres

 

Aposque stábades todos a spera de nuobas de Londres… Ah!, pois!!! I sou you que bos las bou a dar.

Diç-me Cáncia quando l aperponi que screbíssemos ambas a dues cumo que an diálego: Bá, scribe tu mulhier, yá que ampeceste a aguçar la buntade, agora anfareia-ls cun las nuobas. Scribe, scribe, qu´apuis scribo you pa l´outra beç.

S´acauso pensais que passemos esses dies a rebolcos an refustedo, stá  redondamente anganhado quien assi pensar. Cáncia yá dou probas de que ye ua pessona culta. You, anque nun tenga amostrado la cultura giral que Çáncia yá dou probas, tamien me antresso por más cousas que a la pormeira aspareça. Gústan-me las biaijes i, quando bou a un paíç ó cidade lhiebo siempre las notas que tirei de la anternete cun todo l que quiero besitar.

 

Claro que,  se calhar ajuntá-se todo, tamien a nós mos gusta coincer mais anatomies masculinas, an çfrentes lhénguas.

Íbamos cun eilha fisgada. Arranjar dous angleses, eilhes que, statísticamente son ls mais fodidores. Apuis pensemos, qual statística qual raios! La statística fai-me lhembrar aqueilha de l polho que se diç que cada pertués come an média meio frango; la porra ye que hai quien coma un i hai quien nun coma nien un cibico… A rebolcos na cama ye la mesma: Hai quien deia rebolcos i más rebolcos, seguidos, la nuite chena de streilhas na cama i, hai quien  seia que nien un bui de cubriçon ne l més d´Agosto,  que la baca touronda nun  seia capaç de l fazer chubir la berga.  Assi, deixemos que las cousas fússen acuntecendo i na berdade acuntecírun, porque sien mos querermos gabar, somos dues morenas antulhadiças.

Na sesta fumos de l airoporto pa l houtel que quedaba a pie de Covent Garden, adonde mal salimos para dar ua caminada, lhougo assistimos a un cuncerto de música clássica, porreiro, alhá andrento de l eidefício, no pátio ambaixo. Nós quedemos anriba cumo que nua “mesanine” a scuitar i a mirar pa la ourquestra i pal sou chefe que todo se meneaba para que Bach fura anterpetado an porfeitos sonidos. Antes d´entrar habie ua quelóquio de ruga. Para quien nun conheça, este ye un sítio adonde ls artistas amóstran la sue arte. Tamien an Picadilly, mas nesse causo mais pintores, que to las nuites zeinhan retratos a quien querga serbir de modelo. Tamien a Picadilly nós fumos.

 

Çáncia nunca habie stado an Londres. You yá habie stado dues bezes, ua sumana de cada beç, de modo i maneira que dei cartas a Çáncia i l amostrei todo l que de más amportante hai an Londres.  Acabemos por quedar mais tiempo. Benimos hoije a la pormanhana, arrimado a meidie.

Calçadas cun calçado cunfortable i roupa tamien, çaracutiemos la cidade no poremiro die para quedar cun l´eidé giral. A cada ziquetrac entrábamos ne l Metro para adelantrar un pouco i apuis saliemos na staçon adonde houbísse algo para ber. Assi fui un die cheno. Al passar na Leichester Square fumos a mercar belhetes para a la nuite ir a ber “les Miserables”, basiada ne l remanse de Victor Hugo, puis que neste sítio son mais baratos que na belheteira.

 

Stabamos nós a ber ls lhugares i aparécen-mos dous moços, que sigundo eilhes, yá mos habien chitado i seguido. Guapos e eilegantes de morrer… Spanholes inda porriba, eiqui bezinos, a falar ua lhéngua tan asparecida a la nuossa. Yá nun se mos lhembrórun las statísticas aqueilhas. Bimos l quelóquio yá juntos, sérios, mais sérios que crente na Sumana Santa, porque la stória assi pedie. Apuis fumos para Picadilly, buímos uns copos i anquanto i nó treminemos l porgrama para deimingo i sigunda. Apuis andebimos siempre juntos. José i Miguel  son homes que muito mos ansinórun a nible de stória, quando besitemos i mos splicórun todo ne l Museu Británico. La Piedra de la Roseta! Abri la boca de ambaçbacada…Aquilho que habie studado an Stória…

Tamien fúrun bien lambones estes angleses!… Peç que trazírun mei Eigito, dixe you.

Miguel, storiador, splicou-mos todo. Aqueilha boca por adonde salie tanta sabedorie, ancandilou-me. Gusto de homes cultos i que me ensínen l que nun sei. Ende teneis! L sexo nun chega a ua mulhier… Un home ten que ser muito mais que rebolcos, para an rebolcos lhebar la mulhier fura de sous terrenos...

 

Apaixonei-me por Miguel i el por mi tamien. Moramos acerca i esso facelita; el  an Çamora, you ne l Praino. Jesé i Çáncia l mesmo, solo que Çáncia nun ye de se apaixonar cun dues cantigas, cumo eilha bos dirá se quejir. You si. Atiro-me de cachafun…

Nessa nuite fumos a beilar. La calor fui chubindo pul cuorpo,las quelubrinas atelundrórun  l terreno desioso, las manos fúrun deseios a chubir na carne i mos lhebórun pal houtel nua biaije de Metro que parecie nunca mais acabar. Alhá, las statísticas yé nun cuntában, para quei númaros frius na calentura de ls nuossos cuorpos nun beilar tan cierto, nun bai i ben, torna a ir i a benir, cumo se l tango tebisse sido anseiado al lhargo de la bida… Ui, que biaije!!! L sexo anruseirado an cultura ye outra cousa, caralcho! Un macho storiador a bater todas las statísticas…

Çáncia, se eilha quejir, bos cuntará.

 

Quedou treminada outra biaije para deiqui a un més, desta beç a Berlin adonde hé-mos de cuntinar l studo de las cousas eigípcias. Até allhá, l Praino i Çamora son acerquita...

Quien iba a dezir! Ua biaije pensada para  ourgies i bacanales, acabar an paixon...

 

 

publicado por Figénia às 15:59
link do post | comentar | Adicionar als purferidos
Quarta-feira, 7 de Setembro de 2011

Cáncia, mie amiga:

Li la tue derradeira mensaige cun l cachico que screbiste para mi.

Sabes Çáncia, çculpa que you nun steia d´acordo cuntigo quanto a Poucabergonha i a las sues perferéncias sexuales.

Nun me parece que el solo baia a homes, mas antes, guste de las mulhieres pa las ousar, para fazer farroma, para cad´ua ser solo mais ua a acrecentar a la lista que bai fazendo para apuis se gabar. Parece-me que será daqueilhes que nun fai ua jitória pa las sastifazer i chegar a sous lhemites de prazer, mas tan solo chegar el.

Mui antiquado, mui machista, isso tenes tu rezon. Diga-se, un home nó situado an sou tiempo.

Tamien nun stou an acordo quando dizes que stá agarrado a las saias de la mai, que nun cortou l bide a tiempo cierto, que nun resolbiu l cumplexo d´Édipo.

Parece-me a mi que el tenerá un trauma qualquiera cun algua mulhier, até mesmo cun sue mai talbeç, i dende la sede de se bingar an todas nós, ousando-mos i anchendo-mos de putas, cumo se l sexo, (cumo mui bien tu deziste), fusse solo un dreito de ls homes.

Quando you te aperponie que salíssemos cun el, nun era de maneira ningua porque m´agradasse la sue cumpanha, mas solo para ber se el picaba l isco, ou s´el fazie cumo de la outra beç, cerrado an copas. Son homes desses que nun m´antressan para nadica.

Bamos a ber l que el fai, porque parece-me a mi, anque la mie carta fusse para ti, el metiu alhá l bedeilho.

 

Deixando Poucabergonha, yá que dende nada salirá de buono...

Tengo andado pula anternete a saber de biaijes de fin de sumana i dei de caras cun ua cousa barata nua dessas ouperadoras "low cost", cousa para nun mos custar mais que binte ouros. Claro que tenemos que cuntar cun la ida de carro até l Porto mas que deiqui de l Praino ye ua tirada. Cama chega ua, puis claro, quanto maior l munton melhor...

Ye para Londres. La salida a las dieç de sesta i assi inda tenemos tiempo de salir deiqui assi que sálgamos de l trabalho. Apuis salimos d´alhá no sigunda a las quatro de la manhana i, l carro alhá stará a nuossa spera ne l Porto.

Di-me a ber l que te parece.

Porque me pareciu buono ir a Londres? Porque, para alhá de ser ua cidade culturalmente rica, li l´outurdie que son ls angleses ls que mais atebidade sexual ténen. Stás mesmo a ber Çáncia, nós morenas, cun pelo scuro, a cuntrastar cun la branquidon de las ties d´alhá!...

Las formas de atrair l macho, sabemos-las nós!... Bai a ser fiesta de las grandes!

 

Di-me a ber l que te parece.

 

Beisa-te,

 

Fi

 

 

 

publicado por Figénia às 10:13
link do post | comentar | Adicionar als purferidos
Terça-feira, 6 de Setembro de 2011

Tristes Mentalidades

Ah Pouca Bergonha,

you bien sabie que la denidade que tubiste quando nun me "zmintiste" nun iba a durar siempre. La tue repuosta ten tantas mintiras, que naide cunseguirie zminti-las a todas.

Ampeças lhougo por trocar las personaiges, cun la stória de tou abó, un grande cunhecedor de las ciéncias. El bien te dezie que la Tierra ruodra a la buolta de l Sol i que las ties merécen respeito, mas tu achabas que el staba eirrado an dambos ls dous causos! Ah, Pouca Bergonha, tenes un abó i un pai tan modernos i progressistas i sós tan antiquado! Ye l que acuntece a quien crece debaixo de las saias de la mai.

Quando leio las cousas que scribes, até tengo pena de ti. Tentas ansultar-me, acusando-me de foder cun muitos homes. Nó cuntento, acusas tamien Figénia, Marie (nó, nun son la mesma pessona) i mi mai de l mesmo. Nien sequiera te dás de cuonta que, ne l seclo XXI, esso nun ye ansulto nanhun.

Tamien me dá grácia que cuntines a dezir que fodes muitas ties i nun sei quei i até mos amanaças cun las nalgas i nun sei quei... para ti, para aquel cobarde que anda por ende a screbir comentairos sien assinar (será l tou nuobo amante?) i pa todos ls homes de mentalidade atrasada, ua tie que fode muito ye puta (i Jung ye chulo!), mas un tiu que fode muito ye un heirói. Son esses ls buossos balores: foder ye pecado pa las ties i birtude pa ls homes. Anton, dezi-me, senhores birtuosos: se las ties nun dében foder, cun quien fóden ls homes?

Sabes, ye por bias dessas ancungruéncias que you acho que ls machistas son todos maricas. Dízen que las ties dében quedar an casa, a fazer l quemer i a lhimpar la casa, i apuis, bai-se a ber, ban-se a anrabar uns als outros.

Bien puodes tu dezir que l único sexo que eisiste para ti ye antre un home i ua tie. L stranho ye que nunca falas an baginas, mas solo an pichas i nalgas. Percebe-se porquei. Cumo tu fazes siempre de tie (para sastifazer ls regimentos todos), l único que puodes dar ye las nalgas. Mas pronto, se quieres chamar a esso "heterossexual", chama. Agora, nua cousa tenes rezon: esso nun dá para te reproduzires.

L cumplexo de Édipo resolbe-se n'anfáncia i solo apuis de ls rapazes l resolbéren ye que se anteréssan por rapazas. Mas tu nun l quieres resolber, l porblema ye tou. You yá resolbi l cumplexo de Eilectra i antresso-me por muitos homes, mas solo aqueilhes que respéitan las ties i sáben que somos duonhas de l nuosso cuorpo.

Tamien yá spurmentei, por curjidade, algues "brincadeiras" cun ties i cunfesso que até gustei. Sabes que te digo? Tamien debies spurmentar!


Fi,

quando quejires, i agora que stás outra beç solteira, podemos fazer nuobas ourgies, mas ten que ser cun homes a sério i nó cun Pouca Bergonha. Cumo sabes, el nun ye de l miu agrado i, berdade seia dita, nien tu nien you somos de l agrado del. Ye cierto que dambas a dues somos atraentes, mas tenemos un defeito que nun agrada a Pouca Bergonha: niua de nós ten pénis.

tags:
publicado por Çáncia de la Ancarnaçon às 01:00
link do post | comentar | Adicionar als purferidos
Sábado, 3 de Setembro de 2011

A ti Çáncia

Esta cumbersa ye solo antre nós dues, mulhieres, i, mulhieres, lhibres de cumpremissos.

Ambas a dues sabemos que andamos a spechucar a Poucabergonha para ber até adonde bai...

 

Diç la spriença. Si, que agora que naide mos oube, nun sou santa ningua, anque tenga feito cumo aquielhas que bíben fuora de sues famílias, a retouçar por todo quanto ye cama i banco traseiro de altenóble i apuis chégan a sues terricas i árman-se an santicas i até la hóstia ban a recebir na manica, al deimingo! Ye berdade que anquanto tube home nun mejei fuora de l bacio, mas... ne ls antretens... tu sabes bien amiga!

 

Lhémbra-se-te daqueilha beç que fumos para Bénidorme an Agosto i fui un gusto, la bariadade de çprienças?

Lhémbra-se-te daqueilha nuite an que fumos pala casa de Anrique nun sei de las quantas,  i sou amigo i que tenie ua cama redonda ne l meio de l quarto i las paredes i l forro chenos de speilhos, lhuzes burmeilhas, pomadas para untar para que l timon calcisse mas nun ardisse?

Pormeiro dous a dous, apuis nua anrebulhada que yá nun se sabie quien metie i quen tiraba, quien lhambie i quien chupaba, an quei, a quien, l quei. Tu tenies un ampalpar tan doce, cun tues manos de beludo i ua lhéngua tan firme, anquanto un deilhes me cuntentaba por un lhado i outro por outro!

Apuis antreste tu an cena, cumo atriç percipal... I que bien representeste l papel! You tamien, nun te parece?

Cansemos-los, deixemos-los sien cherume por um més... Foda-se, que nuitada!!

 

I aquel die an que mos amburrachemos i que apuis  lhambimos cornetos até mos fartarmos?!

Se fusses tu a falar, deziries que somos bissessuales, tu que sós ua rapaza que a todo sabe dar l nome cierto...

 

Agora tornando a Poucabergonha.

 

Que te parece Çáncia, nun le spechucarmos mais  i treminarmos ua nuitada las dues cun el? Cumo quien nun quier la cousa, bamos a aperponé-le fazer las pazes, ciar assi a modos de la crise, nua tabernica de quemido caseiro... Apuis el há-de cumbidarmos para outro lhado, sei-t´alhá... se bien calha para sue casa, para buer-mos un copico de licor. Apuis scurrepechamos-le até las tinalhas i fazemos-le çquecir que sue mai eisiste i, al menos por sfregantes çquece-se de l cumplecço de Édipo. El ten que mos lhebar a las dues até las queronas de ls choupos se tebir scalada que chegue... Se nun tebir... que baia a gobernar-se por outro lhado, cuitado, a ancher camionetas que lhieben menos arena.

Stou curgidosa an saber se el será capaç de poder cun las dues, ó se, aqueilha pólbura toda nun passa de peido de aire...

 

Cuntesta-me i di-me amiga, porque l que tu treminares para mi ye senténcia de juiç.

 

Beisa-te,

 

Fi

 

 

P. S. Se bires que tal, que Poucabergonha te ten faltado al respeito, fregido i cozido,... botamos la mie eideia pal alçapon i bamos-mos a passar un fin de sumana porende, agora que hai bolos de abion a précio de uba malbazie para çquecermos ls afazeres porfessionales. 

 

 

 

publicado por Figénia às 16:08
link do post | comentar | Adicionar als purferidos

Gastar tiempo i feitiu cun xodairadas

Mie querida Çáncia, de la pareilha de “grandes leitoras” de Freud i de rebistas femeninas ( que dirie Freud desta mistura?!), que pássan tardes anteiras santadas ne l café a la cumbersa cun homes “antradotes”,

 

Ou, por outras palabras,

 

Mie putéfia rosqueira, armada an fina,

 

Ou inda, nun mirandés mais eiqui de casa,

 

Ah sou xodairo de l caralho,

 

 

Sabes que you nisquiera era para te respunder, mas cumo beio que sós de las que bos gusta spechocar, spechocar, spechocar, ate zapaçenciar un home, para que apuis bos chegue la roupa al pelo i bos deia uas “nalgadas” antes de bos lo ancabar, eiqui bai anton, mas nun cuides que me bou a dar al trabalho de te zmintir las lhonadas que cuntas, que you nun me amarro para acaçar uas cinco crouas qualquiera. Yá quando miu abo anteimaba cumigo que la tierra era praina i que l sol ye que andaba de buolta ( l que el bie, nun percisaba de lo procurar a naide…) ou que ls homes nunca habien ponido las patas na lhuna cousissema niua, ya anton you tamien nunca l zmintie. Para quei?! You quando beio assi un çparate graúdo, ate le questumo dar ua animadela i dezi-le que ten rezon, que da mais grácia, de maneira que tu cuntina culas tues baboseiras que you stou cierto que ls leitores deste blogue – la nata de la sociadade mirandesa -  cul sou altissemo calibre cultural, nun ban a buer l’auga trúbia de ls tous “delareios” quando ye un xodairico roin cumo tu a assobiá-le.

Agora, dua cousa queda cierta: ye berdade que tengo un cumplexo de Edipo “mal resolbido” cun mie mai. I tamien ye berdade que nun fago tançones niuas de l “resolber”, Dius me lhibre i guarde de l tener “bien resolbido”, nien you beio cumo se puoda resolber assi ua cousa dessas tan cumplicada, cun nome strangeiro i todo. Talbeç se you le fazisse a mie mai l que l 13º peloton de anfantarie de Bila Rial le fizo a la tue…

I tu, ah Çáncia, tu nun tenes cumplexos? Talbeç de Eilectra, ora si. Calhando, a ti, si se te  antolhaba resolbé-lo, mas bás-te a ber fodida, que las tues rezones inda son mais “ampeditibas” que las mies. Pus claro, nun sabes cun quien le hás de resolber que nun cunheces a tou pai nien tue mai te lo puode dezir, que staba scuro quando te fizo i inda porriba eilha staba de cuostas, nun fui capaç de le ber la cara.

Mas ye mais: tu i esse tal Jung (que you nun cunheço, mas que çcunfio que seia l buosso xulo, que tamien starie alhá ne l tal café, que isto yá se sabe, yá dezie l miu anstrutor de cunduçon, se aparecer ua bola, trás deilha aparece un garoto, i you acrecento: stando ua puta, trás deilha aparece un xulo, anton tu i esse tal spirro de punheta mal batida dais buoltas para ber de me acusar de nun gustar de ties. Ora, ora, a ber se you antendi: you quiero ser cumo Adan, que ye l arquenunseiquei de l home, i que nun le gustan las ties porque bias de se negar a poné-se an Eba… ua mulhier que nunca eisistiu. Pus bá, tengo que bos dar rezon: you, se nun eisiste, nun gasto tiempo nien feitiu para le papar la rata, para punhetas a pansar an mulas que nun eisisten bien bundórun las que toquei antre ls 6 i ls 8 anhos, anquanto nun apareciu miu prima Diolinda para m’andustriar i ampeçar a fazer de mie l fodedor oulimpico que sou hoije.

Yá donde nun teneis rezon ye an dezir que beio l “sexo heterossexual” solo cumo un modo de reproduçon. You beio l “sexo heterossexual” cumo aquilho que ye: un pleonasmo, ua redundáncia, mal acumparado, ye, cumo tal, dezir: beio la cal branca de la parede. Para mie, mie linda, sexo nun hai outro, solo esse, que tu, culas manies de las fineces, le chamas “heterossexual” i que you le chamo foda, foder, cumo todo mundo bien formado le debe chamar querendo que se saba de l stamos a falar.  

I anton, scuita, to la tarde ne l café, tu i essa Marie (tu dizes Marie, mas you bien sei que ye esta Figenia que anda eiqui a rabiar ne ls quemantairos i que sta cun miedo que pori nun chegue par’eilha… tranquila, que chega para l amberrumar a todo mundo, habeis de salir las dues deiqui mais squadriladas que la burra de tiu Albano) ls tres, anton, de cumbersa, para solo buer un cafezico. Ora, caralho, a fazer sala a la puta que bos pariu, la bida sta fodida i custa-le a todos, l duonho ten que pagar la letecidade i las licenças de l camara, foda-se…

ou bos inda buistes uas garraficas de “Magos”, mas serbidas nas xícaras de l cha, por bias de nun parecer mal?!...

 

publicado por poucabergonha às 03:19
link do post | comentar | Ber comentairos (3) | Adicionar als purferidos

.Partecipar

. Partecipar neste blogue

.Ls Outores

.Antradas

. Cun Deboçon mas sin Perbe...

. Bacanças ne l Lhitoral

. Belas firmes, hasteadas i...

. La Rata Znuda

. 30 anhos ó mais

. McGregor

. Ancontro de bloguers

. Bien mos podemos anganhar...

. Passeio de bicicleta pu l...

. Que mundo ye este?!

.Arquibos

. Janeiro 2014

. Agosto 2013

. Outubro 2012

. Setembro 2012

. Junho 2012

. Maio 2012

. Abril 2012

. Março 2012

. Fevereiro 2012

. Janeiro 2012

. Dezembro 2011

. Novembro 2011

. Outubro 2011

. Setembro 2011

. Agosto 2011

. Julho 2011

. Junho 2011

. Maio 2011

. Abril 2011

. Março 2011

. Fevereiro 2011

. Janeiro 2011

.tags

. todas as tags

.Janeiro 2014

Dom
Seg
Ter
Qua
Qui
Sex
Sab

1
2
3
4

5
6
7
8
9
10
11

12
13
14
15
16
17
18

19
20
21
22
23
24
25

26
27
28
29
30
31


.Lhigaçones

blogs SAPO

.subscrever feeds

Em destaque no SAPO Blogs
pub