De Çáncia de la Ancarnaçon a 6 de Fevereiro de 2011 às 02:51
Buonas nuites,

Sou ua maleiducada! Nun quereis ber que onte me ceguei cun Bernixe, a manginar la pareilha que íbamos a fazer por esses arraiales, i squeciu-se-me de le dar un beijico a Antonho. Nien parece de mi, pasmar-me cun la rapaza i nun le dar ua piscadela al home! Bá, á Antonho recibe las çculpas de a par cun un beijico bien repenicado!
AMadeu, tu has de ser fodido! Salir-me assi cun un resairo desses... se cuidas que me quedo, stás mal anganhado. An capulhos nunca oubi amentar: you nun sou la Santa Casa, para andar a cunsolar mazmárrias de la eidade de tou pai, que yá nun ha de ser un home nuobo. Mas diç-me Paco, un de ls mius amigos queloridos spanholes, que se usa muito "capullo" an Spanha, cun santidos mui çfrentes. Un desses santidos (que nun ben ne l DRAE, mas que si diç que eisiste) diç que ye la cabeça de la gaita ( la glande, se quieres que seia fidalga) ó la piel de la capucha (l prepúcio, cumo diç la remelosa de la mie amiga Dozinda). Puode tener a ber.
Cun Citotes nun quiero you negócios, nun cunheço nien quiero cunhecer. You, menumientos a la fertelidade, xtá!, burra. Atirá-le cun piedras solo se fur para ls sbarrulhar, que para ninos bien me bonda l muncosico que Jesé ampunta para mie casa a fazer ls deberes, se al menos yá stubira ne l punto para l sbirgar!... Más a más, dizes que citotes son ls de Bumioso. Scuita, giente de la bila, yá miu abó dezie, nien muorta nien biba!
Cuido que nun te serbi de muito, mas isto tamien yá sabes que estas cousas ban cul tiempo. Bai mandando siempre, pul que beio tenes muito que dezir i nun has de ser rapç para l meter ambaixo de l alqueire. Anda que you apuis cumbido-te bien!


Comentar:
De
 
Nome

Url

Email

Guardar Dados?

Ainda não tem um Blog no SAPO? Crie já um. É grátis.

Comentário

Máximo de 4300 caracteres



Copiar caracteres

 



O dono deste Blog optou por gravar os IPs de quem comenta os seus posts.