Segunda-feira, 23 de Abril de 2012

Na prenheç

Puis ye, caros leitores. La barriga yá me pesa. Diç l doutor que ye cumo andar cun un garrafon de cinco litros agarrado alantre. L peso stá a oumentar, la cintura scapou-se, la çanceblidade medrou i l choro ben-me depressa al peito i las lhágrimas mais me cuorren pula cara abaixo cumo mundiada an atronada d´Agosto. Anque yá oubira tebido ua grande zeiluzon, stou feliç i cada beç que la nina a quien chamo Einés se mexe andrento de mi, ye fuorça que me medra i me dá fuorça para cuntinar.

 

Cumequiera si se bos lembra que m´ajuntei cun Miguel, un spanholo de Çamora, un home que fui coincendo an rebolcos, grande paixon que me fizo acarditar que nun percisarie de mais naide para me fazer chegar a las streilhas na cama i al cielo na bida. Apuis fumos coincendo noutras cousas i decedimos que habiemos de tener ninos, ua bida cun respeito antre ambos, sien facadas fuora de marras, sien mintiras.

 

Ua beç cuntórun-me ua cuonta que até me deixou de boca abierta. Era ua tie qu´habie ido pal spital a tener un nino i naide era capaç de saber de l sou tiu. Yá l nino boziaba cumo que a chamar por sou pai, anquanto el a rebolcos cun outra mulhier. La sue tie nunca soubo, cumo diç l´outro, l cornudo ye l último a saber...

Quedei amulada de todo quando me cuntórun esta stória, you que nunca quije zbiar homes casados para nun strampalhar la bida de naide. Si, porque nun ye nada custoso birar un home alrobés quando ua amiga (an pertués, amante) fai de todo para poner l mintiroso tonto, yá que nun ten mais ningua merda de porblema cun el que le strague la cuncentraçon para chegar als ourgasmos i lo lhebar a el als cunfins de ls anfiernos cun la calor. Cuido que ls tius son un tunticos i que a las bezes só pénsan cun la moca, an beç de la cabeça.

 

Anton, naqueilha stória, çculpaba-se aquel cabron de merda, qu´era l que el merecie ser, que tenie que çpejar las alforjas, porque, ne l ampeço, la sue tie andaba cun gómitos i que l oumentában quando el cun la barba se l chegaba i eilha le sentie l cheiro. Apuis porque la barriga yá iba medrando i era custoso, apuis ne l fin tenie miedo de ferir l nino. Cabron de merda, el debie era de tener berga bien pequeinha para le ser custoso. Çculpas de quien quier tener la tie para parecer, i siempre outra para foder. Anton el nun saberie qu´hai siempre outras posiçones an que la barriga nun storba!? Algua beç la berga poderá topar ne l nino!?

 

Esta fui la stória que nunca se me çqueciu i que you achei que nunca m´habie d´açuceder. Nunca se puode cuçpir parriba i ye bien berdade! 

 

Aquel spanholo lampantin fizo-me la mesma, solo que you, mulhier bien batida nestas cousas de sexo, apanhei-lo mais depressa que la outra i, eirei you sola a parir la nina porque le puse yá las malas a la puorta i le dixe, "la ruga ye para perros cumo tu".

 

Outra beç lhibre d´home único i cun ua filha deiqui a trés meses ne l cuolho.

 

 

 

publicado por Figénia às 11:23
link do post | comentar | Adicionar als purferidos
3 comentairos:
De Anónimo a 27 de Abril de 2012 às 00:03
Ai Figénia , Figénia , foste fudida i bien fudida ...mas q' amporta que stá bien cuntenta cula nina que yá nome ten : Einés . Mira gusta -me</a> l nome. Para padrino you nun me oufereço mas tenes que la batizar cula auga bienta de l riu Douro / Doro . Puis bai ser anternacional.

Muita salude para ti i se ancuntrares alguno que te cunsolo nestes tiempos pus nun las perdones que nesta altura tamien te gusta .


De Figénia a 30 de Abril de 2012 às 18:33
Á tiu anónimo! Que si me gustou l buosso quementairo!
Bien m´antendeis bós, si senhor!
S´acauso quejirdes até podeis ser padrino d´Einés i apuis sabeis,... antre cumprades melhor inda puode haber antemidades... Se tubirdes tie i andebirdes scassiado, arranjamos-lo na mesma i scusa de naide saber, mas quanto antes que a mi la barriga nun me storba nada i a bós tamien nun há-de storbar. Si porque quando se ten ua pregueç peç qu´inda mais l cuorpo mos puxa pa la fodice.
Agora, amigo anónimo, inda m´apetece mais l fandango, home!!!!
Tengo andado a fariar porende i mirai que yá tengo un d´uolho, mas s´acauso quejirdes, ála, que se fai tarde... que you dou bianda als dous...

Un beisico de Fi


De Figénia a 30 de Abril de 2012 às 18:38
Mirai tiu anónimo! You nun era d´andar cun tius casados para nun derramar bidas, mas agora, que se foda! Ye ua de me bingar i al menos ándan siempre bien passadicos i lhabadicos...
Por isso, nun fágades cerimónias, botai-bos a búltio i ponemos tamien la buossa de madrina d´Einés.

Un chi

Fi


Quementar

Creative Commons License
This work is licensed under a Creative Commons Attribution-NonCommercial-ShareAlike 3.0 Unported License.

.Partecipar

. Partecipar neste blogue

.Ls Outores

.Antradas

. Cun Deboçon mas sin Perbe...

. Bacanças ne l Lhitoral

. Belas firmes, hasteadas i...

. La Rata Znuda

. 30 anhos ó mais

. McGregor

. Ancontro de bloguers

. Bien mos podemos anganhar...

. Passeio de bicicleta pu l...

. Que mundo ye este?!

.Arquibos

. Janeiro 2014

. Agosto 2013

. Outubro 2012

. Setembro 2012

. Junho 2012

. Maio 2012

. Abril 2012

. Março 2012

. Fevereiro 2012

. Janeiro 2012

. Dezembro 2011

. Novembro 2011

. Outubro 2011

. Setembro 2011

. Agosto 2011

. Julho 2011

. Junho 2011

. Maio 2011

. Abril 2011

. Março 2011

. Fevereiro 2011

. Janeiro 2011

.tags

. todas as tags

.Janeiro 2014

Dom
Seg
Ter
Qua
Qui
Sex
Sab

1
2
3
4

5
6
7
8
9
10
11

12
13
14
15
16
17
18

19
20
21
22
23
24
25

26
27
28
29
30
31


.Lhigaçones

.antolhados


Estadisticas gratis

Contador de visitas
blogs SAPO

.subscrever feeds