Sexta-feira, 11 de Fevereiro de 2011

Chantale

 

 

Hoije decedi eilebar l níbele de l blogue. Cumo se eileba l níbel de un blogue? Ye fácele, scribe-se qualquiera cousa an francés.

 

L mirandés cuntina, cumo ye claro, a ser la lhéngua oufecial de la ourrieta, mas esso nun amplica que, de beç an quando, nun aparéçan palabras noutras lhénguas. I cumo to la giente sabe que l francés ye l eidioma de ls grandes antelectuales, de las pessonas finas i de quien le gusta un cierto je ne sais quoi, deixo-bos ende un poema subre ua rapaza chamada Chantale que coinci hai muitos anhos, mas que nun sou capaç de squecer.

 

Chantale

 

Coinci-te na première de un cinema d' auteur

Anspirado na nouvelle vague i ne l nouveau roman

Mas, mui avant-garde

Tu acheste-lo un tanto engagé

I purferiste falar de la rentrée lhiteraira

Anquanto quemíamos croquettes i buíamos champagne

 

Cheirabas a Channel número cinq

Tenies un bestido noir i ua écharpe gris

Ousabas rímel i baton rouge

I tenies un regard de femme fatale

Troquemos númaros i marquemos un rendez-vous

I quando te afasteste aperciei la tue derrière

 

Na sumana apuis fumos a cenar

a un restourante d' haute cuisine

Quemimos consumé, filet mignon i mousse

Apuis oufreci-te un souvenir i un passeio de charrette

Ancostei la mie boca al tou oubido

I dixe-te media dúzia de clichés

 

Lhebei-te a casa, cumbideste-me a chubir

Oufreciste-me croissants i you toquei piano

Tue armana antrou an chemise de nuit

I apertou-me la mano, ambergonhada,

Cun ua risa tímida i ls mamilos atrebidos

 

Fumos pa l quarto, acendeste belas i apagueste la lhuç

Tireste l bestido i deiteste-te, de lingerie rouge, subre l edredon

Bandeste-me ls uolhos cun la tue écharpe

I ateste-me las manos cu ls tous collants

 

Tue armana antrou i bós çpistes-me

Ampecemos lhougo l nuosso ménage a trois

Ua masturbou-me i a la outra, fiç un minete

Apuis ua puso las teticas na mie boca

I la outra lhambiu-me la glande

You yá nun sabie quien yera quien

Misturában-se ls cheiros, las pieles, ls cuorpos, ls sexos

Nun cunto mais pormenores, porque nun serie chic

Mas la berdade ye que fodimos a la grande i a la francesa

 

 

 

 

 

publicado por Jesé Silba às 01:40
link do post | comentar | Adicionar als purferidos
6 comentairos:
De Figénia a 11 de Fevereiro de 2011 às 10:43
Que bien queda l mirandés anrebulhado cun l francés!!!
Até bai a botar chiçpas, carai...
You digo carai, porque me ambergonho de dezir caralho...

Beisicos

Figénia


De Bernixe a 11 de Fevereiro de 2011 às 14:36
Bá! Ambulbiste tanto ls cheiros que nien te dás fé de ls pormenores.
Tu atenta que las alicas de la paixarina hai que las dundiar de beiço cheno, lhéngua tesa i sien priessas, cumo bien sabes.
Aiii que de falar assi yá l morredeiro se queda manantial rojo.

Un beiso


De Delaide a 11 de Fevereiro de 2011 às 14:56
Bien t´armeste, Jesé Silba. Deste ceia a ua francesa i tebiste subremesa de dues.
Essa de misturares l Francés cun l mirandés dou ua nota special al texto, más chic.
Sós trrible!


De Çáncia de la Ancarnaçon a 12 de Fevereiro de 2011 às 00:31
Anton tu, miu stafermo, que la boca que beisaba ls tous filhos nun era para andar a sgodar an sítios ambuldregados, i bais i abocas de queixos nas francesas! Sou bardinote!!
Torna-te-me acá que quieres zabafar, que nun sei quei de idiossincracies i dualidades, que cun la tue nun hai diálogo, que isto, que aquilho, que you digo-te adonde bás a ir a poner ls çufinos para ampeçar a "dialogar"!


De Figénia a 13 de Fevereiro de 2011 às 13:20
Fazes bien Çáncia, dá nel, nesse bardinote. Cun mulhier i filhos i anda-se ambuldregado cun las francesas. Inda porriba, francesas a fazéren salir debidas de pertual! Habie-de-l tener quedado barata la cena essa...

Figénia


De Figénia a 13 de Fevereiro de 2011 às 13:22
debisas, an beç de debidas.
Çculpai!

Figénia


Quementar

Creative Commons License
This work is licensed under a Creative Commons Attribution-NonCommercial-ShareAlike 3.0 Unported License.

.Partecipar

. Partecipar neste blogue

.Ls Outores

.Antradas

. Cun Deboçon mas sin Perbe...

. Bacanças ne l Lhitoral

. Belas firmes, hasteadas i...

. La Rata Znuda

. 30 anhos ó mais

. McGregor

. Ancontro de bloguers

. Bien mos podemos anganhar...

. Passeio de bicicleta pu l...

. Que mundo ye este?!

.Arquibos

. Janeiro 2014

. Agosto 2013

. Outubro 2012

. Setembro 2012

. Junho 2012

. Maio 2012

. Abril 2012

. Março 2012

. Fevereiro 2012

. Janeiro 2012

. Dezembro 2011

. Novembro 2011

. Outubro 2011

. Setembro 2011

. Agosto 2011

. Julho 2011

. Junho 2011

. Maio 2011

. Abril 2011

. Março 2011

. Fevereiro 2011

. Janeiro 2011

.tags

. todas as tags

.Janeiro 2014

Dom
Seg
Ter
Qua
Qui
Sex
Sab

1
2
3
4

5
6
7
8
9
10
11

12
13
14
15
16
17
18

19
20
21
22
23
24
25

26
27
28
29
30
31


.Lhigaçones

.antolhados


Estadisticas gratis

Contador de visitas
blogs SAPO

.subscrever feeds