Quinta-feira, 17 de Fevereiro de 2011

Cumbersa de mulhieres (I)

Hoije Çáncia, ye cuntigo que bou a falar i, al falar cuntigo bou falando cun todo mundo.

Parecendo que tal, ye cuntigo que stou más a buntade. Senó bei: Bernixe nunca aparece. Peç que anda a tirar un doutoramiento de nun sei quei. Nun ye que a mi me amporte mas bá, ye un zabafo. Felorinda fala cun la boç dun home i, anque you guste de me dar cun homes (nós las mulhieres somos fodidas uas palas outras, tu sabes de l que falo), mas cumo te iba dezindo, estas cumbersas son para se tener cun ties.

Tu sós capaç de fazer le fandango cun un tiu que cheire mal de ls pies i tenga las unhas cun stierco? You nó! Ye l pormeiro teste que fago quando conheço un home, l de ls pies.

Tie Belisanda, ua tie que fai rezas, arranjou-me ua garrafica cun ua auga cun uns puolos para poner ne ls pies deilhes.

Antón, quando you beio un cumbersado que me mira cumo quien yá me quier quemer anteira sien me maçcar, digo-l lhougo. Sabes home, you tengo un fetiche cun ls pies. Tenes que tirar ls miotes para you mirar. Quando quei, boto-l alhá ua lhagrimica daqueilho i ye malzina santa: Se formar uas manchas burmeilhas scuras na frinchica que ben de ls dedos, ye seinha que nada puode ser. Amigos cumo dantes, mas sien ser nada cun ls antrefolhos.

Sabes, Çáncia, you yá fui casada.

Starás yá a manginar porque pedi l debórcio al miu tiu!

Por causa de oulor de ls pies... I todo porquei??? Porque me casei cun el cun ua paixon que nada deixa ber. Ceguita de todo, sien tener dado tiempo para ber las cousas sien las aranheiras que stan siempre delantre quando se stá muitíssemo apaixonado... Solo apuis me dei de cuonta. Até alhá, era ne l santalho de l carro i nun daba para chegar als pies çcalços. Quando apuis l quije correr todo, cumo que a tirar pelhiços dua camisola de lhana de oubeilha i l cheguei als pies, nun te digo nien te cunto... La borralheira tapou-se lhougo cun cinza...

De todo fiç Çáncia: Meti-lo na banheira cun sal i binagre, merquei ls melhores xabonetes, ólios benidos de las Índias, perfumes de Paris,... todo, todo! Quando todo parecie que starie para correr bien, pxxx..., auga na fornalha, cinza a bolar naqueilha cama a fazer ua nubre cinza scura.

Mas para quei chegas ende, mulhier! Dezie-me l miu. You bien nun querie, mas danhada a catar pelhiços, a cada ziquetrac, alha iba. Toca, más cinza... Anté que un die, apersentei-me an casa cun papeles pal debórcio, acunselhada cun adbogado para que nada faltasse.

Fui assi que quedei lhibre cumo un reissenhor, mas siempre cun esta manha de ser scumiosa cun ls pies de ls tius, i siempre acumpanhada d´ua garrafica de auga cun puolos de la tie Belisanda.

 

 

Un beisico,

 

 

Fi

publicado por Figénia às 11:06
link do post | comentar | Adicionar als purferidos
4 comentairos:
De Bernixe a 17 de Fevereiro de 2011 às 16:40
Á Figénia!! mas se calha tu pensas que you ando puls soalheiros a falar de la bida d'uas i doutras cumo quien nun ten más nada que xurdir. Bá, pus sí, nada más me faltaba que perder l miu cachico de raça de sol cun cumenéncias an beç de studar para esse "doutoramento" que tu amentas. Péç-me mas ye que tenes ambeija que you ande por ende afuora no studo de la agricultura, dessa agricultura que no eimbierno trata de cumponer las alfaias: cabos de çadon, stadulhos, timones i badalhos. Bai botando ls puolos de tie Belisanda nas caçcanhetas de quien te deixe anquanto you me bou por uas alforjadas de nabos para sustento de la mie alforreca.

Saludos de la tue amiga

Bernixe


De Bernixe a 17 de Fevereiro de 2011 às 16:45
Yá me çquecie:
la Alforreca ye la mie hamster negra de stimaçon.


De Figénia a 17 de Fevereiro de 2011 às 16:52
Que angraciada sós!!!
Peç que si mos bamos a dar bien las dues.

Un beiso,

Fi


De Bernixe a 17 de Fevereiro de 2011 às 17:43
Iou tamien acho, mas tu nun fagas cume la maior parte deilhas que por delantre todo son beisos i agabones mas apuis de cuostas dízen ua i un ciento!!
Tu fuje dessas ampertigadas que solo quieren subsacar la nuossa bida para apuis se oufreceren de pierna abierta a ls nuossos antolhados.
Maltrastes ye l que son!!
Á! á Fi, tusabes l que diç l dito dezideiro?
Nun me lhiebes a mal you ser meio dzbocada quando me atíçan la brasa al culo.
Ye que diç que "nun hai cochino que nun seia scumioso" mas tu sós ua scdeçon porque esso solo se a+lica a ls homes!

Un beiso, un abraço i un muordico no cachaço de la tue amiga

Bernixe


Quementar

.Partecipar

. Partecipar neste blogue

.Ls Outores

.Antradas

. Cun Deboçon mas sin Perbe...

. Bacanças ne l Lhitoral

. Belas firmes, hasteadas i...

. La Rata Znuda

. 30 anhos ó mais

. McGregor

. Ancontro de bloguers

. Bien mos podemos anganhar...

. Passeio de bicicleta pu l...

. Que mundo ye este?!

.Arquibos

. Janeiro 2014

. Agosto 2013

. Outubro 2012

. Setembro 2012

. Junho 2012

. Maio 2012

. Abril 2012

. Março 2012

. Fevereiro 2012

. Janeiro 2012

. Dezembro 2011

. Novembro 2011

. Outubro 2011

. Setembro 2011

. Agosto 2011

. Julho 2011

. Junho 2011

. Maio 2011

. Abril 2011

. Março 2011

. Fevereiro 2011

. Janeiro 2011

.tags

. todas as tags

.Janeiro 2014

Dom
Seg
Ter
Qua
Qui
Sex
Sab

1
2
3
4

5
6
7
8
9
10
11

12
13
14
15
16
17
18

19
20
21
22
23
24
25

26
27
28
29
30
31


.Lhigaçones

blogs SAPO

.subscrever feeds