Domingo, 20 de Março de 2011

Trás de un grande home...

 

 

Mies queridas amigas:

 

Cunheceis l dito: trás de un grande home hai siempre ua grande mulhier?

 

Diç que ua beç Michelle Obama fui cul home, si, l sou home, l magnífico persidente de ls Stados Ounidos, i diç que fúrun anton dambos a dous a un restourante. Muito arremissaco, muito zbiar de cadeiras – i de pessonas – guarda-cuostas i l diabo a quatro, ua mesa reserbada, fazer alhebantar ls que stában a la borda, tanto fui l aparato que anté bieno l duonho de l restourante a recebé-los, a ber se todo staba cumo habie de ser, a apersentar ls cumprimentos de la casa.

Pus nun quereis saber que Michelle se agarrou a el, al duonho, als abraços i als beijicos, muita cumbersa, muita cunfiança, quien ls bira habie de dezir que yá quantá que se coincien. I doutros futeboles!

Quando Michele se santou, bai l Senhor Persidente i diç-le, cun cara de anrezinado: Mas anton que cunfianças bénen a ser estas?! Anton la mulhier de l persidente de ls Stados Ounidos, assi, a chamá-le “tu” al duonho de un restourante?...

- Ah Barak (que, an buona berdade, you nun sei se eilha le chama Barak, çcunfio que nó, bós yá bistes?, chamando-le Barak l que se armaba: c’mon Barak, yeah Barak, don’t  stop Barak, make me com’Barak…, spurmantai bós a dezi-lo an boç alta i ides a ber cumo bos dá la risa, ora, ua risada desta culidade antre lhançoles yá se sabe que sbarrolha todo…, l nome eiqui pouco ampuorta, podemos-le faltar a la berdade, outros le fáltan noutros sítios i cun más perjuizo,queda Barak i yá stá) i bai i diç-le anton: Tu nun beis que you i Mike somos de la mesma tierra, criemos-mos ne l mesmo lhugarico, inda cheguemos a ser mei namorados, yá quantá que nun l bie, fui ua alegrie grande ancuntrá-lo eiqui!

Sue eicelença nun le gustou muito la cumbersa, angulhiu an seco, i diç-le cun ua risica mei de caçoada: Mira tu, se nun houbisse aparecido you, tu habies-te casado cun el i agora eras la duonha deste restourante tan xique i tan piroleiro.

- Nó, miu querido, stás anganhado, nun ye bien cumo tu dizes. Se nun houbisses aparecido tu, agora l persidente de ls Stados Ounidos chamaba-se Mike.

publicado por Çáncia de la Ancarnaçon às 00:28
link do post | comentar | Adicionar als purferidos
2 comentairos:
De poucabergonha a 20 de Março de 2011 às 01:47
Buonas nuites, Çáncia!

Que intressante cuonta mos cunteste Çáncia. Mostra bien l grande coincimiento que tenes de l mundo i de la bida i ajuda-mos a parar i a refletir. Ye bien bardade l que dizes: trás de un grande home, hai siempre ua grande mulhier. I inda bien que assi ye.
Se bien que, ne l que me toca, you tamien nun me ampuorto de star you por trás de la mulhier, seia grande ó pequeinha. Buono, tirando-se las çfolhadelas de ls zinolhos nun habendo cuidado ó querendo eilha áfricas más cumplicadas.
Beijicos


De Bernixe a 20 de Março de 2011 às 17:22
Mirai l que nun fai ua morenaça por ua naçon!!!
L porblema de Pertual ye que inda ningun cun meio palmo de cara y cumbersa de peliqueiro s'arrimou a mi se nó l nuosso Anible a esta hora andaba a tratar de las laranjas no Allgarbe!!
Palabra de Bernixe.
I nien quiero pensar l que se forrarie an antrigas alhá para Lisboua se l nuosso Purmeiro deixara que you le calcira ls pies nas nuites de eimbierno. Sólo miran para essas putas de la Abenida de la Lhibardade an beç de cuincer l paiç fondo!! i you cun la frincha roja, mas tamien bos amolais que nunca sabereis l que ye negraça caliente.

Un abraço de peito abierto
Bernixe


Quementar

.Partecipar

. Partecipar neste blogue

.Ls Outores

.Antradas

. Cun Deboçon mas sin Perbe...

. Bacanças ne l Lhitoral

. Belas firmes, hasteadas i...

. La Rata Znuda

. 30 anhos ó mais

. McGregor

. Ancontro de bloguers

. Bien mos podemos anganhar...

. Passeio de bicicleta pu l...

. Que mundo ye este?!

.Arquibos

. Janeiro 2014

. Agosto 2013

. Outubro 2012

. Setembro 2012

. Junho 2012

. Maio 2012

. Abril 2012

. Março 2012

. Fevereiro 2012

. Janeiro 2012

. Dezembro 2011

. Novembro 2011

. Outubro 2011

. Setembro 2011

. Agosto 2011

. Julho 2011

. Junho 2011

. Maio 2011

. Abril 2011

. Março 2011

. Fevereiro 2011

. Janeiro 2011

.tags

. todas as tags

.Janeiro 2014

Dom
Seg
Ter
Qua
Qui
Sex
Sab

1
2
3
4

5
6
7
8
9
10
11

12
13
14
15
16
17
18

19
20
21
22
23
24
25

26
27
28
29
30
31


.Lhigaçones

blogs SAPO

.subscrever feeds

Em destaque no SAPO Blogs
pub