Sábado, 26 de Março de 2011

L Natal de 2010 (5)

Staba todo perdido. Mie suogra habie ido a fugir pa la casa de banho i Eba inda staba alhá drento. Mesmo tenendo an cuonta que la casa de banho, queda mesmo an pie de ls quartos, eilha nun tubira tiempo de salir. La única cousa que podie fazer yera deitar-se na banheira, cerrar la cortina i deixar-se quedar muito quetica, anquanto mie suogra mejaba.

 

- La cuitadica ten andado cun prison de bientre i fui a ber se desta beç se zanrasca - dixo la mie tie - senó, tengo que le fazer un clister...

 

Senti que l zaiuno me iba a salir pula boca, solo de eimaginar mie suogra a sforçar-se para cunseguir cagar. Quanto tiempo cunseguirie Eba aguantar l cheiro de las bufas? Nesse sfergante, arreparei nun porblema inda maior: las roupas de Eba i las mies inda stában ne l chano. Feliçmente, naide las habie bisto. Por anquanto.

 

- An que stás a pensar, Zezico? - preguntou miu pai, que me trataba por Zezico zde pequeinho.

 

La mie respuosta foi rápida.

 

- Staba eiqui a pensar se habiedes trazido muita cousa. Podiedes ir çcargando ls carros. You bou-me a bestir  i apuis bou-bos a ajudar.

 

Mius pais, miu suogro  i la mie cuncordórun cula eideia, mas ls mius rapazes querían spurmentar un jogo nuobo, prenda de Natal de mius pais, na play station.

 

- Nien jogo, nien meio jogo. Ides a ajudar ls buossos abós i buossa mai, senó you bou-me a xatear.

- Deixa ls rapazes jogáren, que nós tratemos de todo, Jesé - anterbieno mie mai.

- Nun bos métades na eiducaçon que dou als mius filhos - respundi - eilhes ban a ajudar-bos, senó nun hai jogo para naide.

 

Cuntrariados, ls rapazes salírun de casa, seguidos por mius pais i por miu suogro. La mie tie quedou-se alhá, atirou-se-me al cachaço i beisou-me lhongamente. You debolbi-le l beiso, mas solo pensaba an tirar deilhi las roupas denunciadoras.

 

- Nun bais a ajudá-los? - preguntei-le.

- Anton, que cumbersa ye essa? Nun tubiste suidades mies?

 

Achei que l melhor yera fazer-me defícele.

 

- Tu ye que quejiste deixar-me solo ne l Natal. Agora stás cun porblemas de cuncéncia, mas nun penses que las cousas yá stan resolbidas.

 

Eilha lhargou-me, oufendida.

 

- Cumo quergas! - saliu i batiu cula puorta.

 

You apanhei las roupas de Eba i las mies, corri pa l quarto, scundi-las debaixo de la cama i arreparei que ls lhençoles inda cheirában a sexo i stában manchados cun semen. Tirei-los lhougo de la cama.

 

Quando iba a salir de l quarto, la mie tie antrou, cun ua mala de biage na mano.

 

- Que ye esto?

- Nada. Staba solo a demudar ls lhençoles.

- Staba a falar de la bandeija - i apuntou pa la mesa de cabeceira.

- Ah, esso ye ua bandeija. Cumo staba solo, zaiunei na cama.

- Mas porque ye que hai dous pratos, dous jarros, dues tegelas i dous copos?

 

Tengo la certeza que outro home, na mesma situaçon, haberie quedado atrapalhado. Mas you nó!

 

- You staba tan depremido, por haber passado la cunselada solico, a quemer tortilha de salsixas, que quemi a drobar. Dous jarros de lheite, dues malgas de lheite i ceriales, dues torradas, dous uobos strelhados i dous copos de çumo de laranja.

 

Al cuntrario de l que you speraba, la mie nun zarmou.

 

-  I por que rezon tireste ls lhençoles de la cama cun tanta priessa?

- Porque... porque...

- Sujeste-los quando stabas a zaiunar, nun fui, sou malandro?

- Fui. Fui esso, querida. Mas you bou-los a poner na máquina, nun te priacupes.

 

Pul oulhar deilha, percebi que staba cumbencida. Staba quaije a lhibrar-me de ls bestígos de Eba, solo quedaba rezar para que mie suogra nun la çcubrisse i arranjar ua maneira de la tirar de casa.  Anquanto pensaba nesto, mie suogra abriu la puorta, i oulhou-me cun un ar mui zagradable.

 

- Mie querida suogra, cumo stais?

- Nun te arrimes a mi - respundiu eilha, nun tono ásparo -  Filha, ben a tener cumigo a la casa de banho. Tengo ua cousa para te amostrar.

publicado por Jesé Silba às 14:18
link do post | comentar | Adicionar als purferidos
4 comentairos:
De antonho cangueiro a 26 de Março de 2011 às 19:09
Bós sois fodido! Yé solo para fazer crecer augadielha. Yá daprandistes cun las Telebisones i las Telenobielhas. Arrefodice, inda bou tener que sperar mais ua sumana para saber las cenas de próssimos capitulos.
L cagalhoto de buossa sogra pula cierta saliu, puis se tubisse bisto la porssora yá tenie antrada na sala a bózios...mas bamos alhá...you acho que bós teneis que ir cunfessar ls buossos pecados todos al cura i apuis rezar un acto de cuntriçon i se la buossa tie bos perdonar...tenei que andarsiempre a beijar las pisadas, a nun ser que faga l que bós fazeis i apuis haber cumo bai ser... mas las ties zde que anden cunsoladicas nun precoran outro....arrefudice, rrrrcaralcho, tengo que ber cumo bai ser para tirar la de pelo ruibo de la casa de banho...

abraço


De Bernixe a 27 de Março de 2011 às 00:16
Bá!!! acá para mi essa cumbersa ye cumo la des las mulas: nien maçcálhan nien ampreinhan. Tanto floreado que inda ben ua gelada i deixa todo cumo tabaco.
Ye cumo espremir l bagaço todo i apuis de l pote rojo querer que bote augardiente. Bó! ai bota bota, mas ye cheiro a palha.
Pul que beio todo ampeça i acaba no Natal. Deiqui a más ye la Páscoa i inda l Nino anda znudo. De anton até hoije nunca más escundiste l capulho?! arrima-te que you te cunto la cuonta de San Garabito, baixico a la oureilha para que más naide ouba. Uiiiiiiiiiiiiiiiiiii

Berrrrrrrrrrrrrrnixe


De poucabergonha a 27 de Março de 2011 às 02:40
Ora caralho. Bai-t'a foder tu i la cuonta, á Jese! You stou cumo Bernixe, inda que por rezones çfrentes. Pus claro que you me stou cagando para las peripécias de l anredo, nun steias pori a la spera que you leia ua merdice que nisquiera cabe na jinela de l cumputador. Foda-se, ua porrada de parágrafos, nesta letrixa pequerrixa... i ls mius oulhicos?!... quien pensa nels? Ls colhones que fazírun estes yá nun faien outros, tengo que ls poupar. Mas cunfesso-te que andaba a seguir esta merda cun algun antresse, por bias de ls retratos d'Eba, mira que milagre! Nun ye nada de quedar de boca abierta, mas assi redundica, ancalcadica i l caralho, para ua priessa, inda stá capaç de serbir para ua sferrunchadela.
I agora anton benes tu, a la falsa fé, i pones l scrito assi "a seco", sien nada para alegrar la bista. Fai-te home, caralho, mete l anredo ne l culo i bota-mos mas ye para acá l retrato físico de la protagonista. I mira que diç que ua eimaige bal más que mil palabras. Cumo dezien ls romanos "Res non verba", oubes bien?! (á caralho, muito me gusta a mi botá-le assi ua lhatinada, acaçada a diente, para bos fazer ir a fugir a saber de l dicionairo)


Agora para las mies queridas amigas Çáncia i Figénia, que sei que benis eiqui cun eilha als saltos a ber quando dou seinhas de bida.
La nuossa cena stá treminada i you a rezar para que l die chegue debrebe. De ls anguerdientes inda solo arranjei la baselina, mas tamien yá tengo la garrafa de D. Perignon ne l frigorifo, fago tançones de l buer de la puçaquica de l buoso ambelhigo.
Bai a ser ua fiesta, l amportante ye que cómamos bien i chúpemos bien l champanhe. Oubistes bien? Coma-mos i chupe-mos, anté yá bos trato a ambas a dues por bocé, a la fidalga!

Beijicos carinosos


De Figénia a 27 de Março de 2011 às 16:03
Á Jesé,
Tu nun déias oubidos a Poucabergonha, home. Para que diabo quier el l retrato?
Percisa motor d´arranque, stá claro... Stou mesmo a eimaginar l cenário... ancandiladico a mirar pa las dues: Ls retratos d´Eba i l palo de l freijoneiro...
Tanta gabarronice i aposto que la grua solo alhebanta cun la ajuda dun filme porno de mala culidade.
Siempre me saliu un zatualizado! Mira baselina!!! Nun saberá, cun tanta spriença que diç tener que essa cousa stá más que ultrapassada...
Champanhe buído nas poçanquitas de ls ambeligos!!
Eheheheh! Deixa-me rir...
Cheira-me que ye muita fuolha i pouca uba i que l home cun dues ambligadas stá tumbado nua baleta a gulsiar la champanha.

Tu, Jesé, stás metido an grande anrascada. Inda te bai a dar un apuplético cun tanto nerbioso... Tamien tenes mais uolhos que barriga...

Besitas,

Figénia


Quementar

.Partecipar

. Partecipar neste blogue

.Ls Outores

.Antradas

. Cun Deboçon mas sin Perbe...

. Bacanças ne l Lhitoral

. Belas firmes, hasteadas i...

. La Rata Znuda

. 30 anhos ó mais

. McGregor

. Ancontro de bloguers

. Bien mos podemos anganhar...

. Passeio de bicicleta pu l...

. Que mundo ye este?!

.Arquibos

. Janeiro 2014

. Agosto 2013

. Outubro 2012

. Setembro 2012

. Junho 2012

. Maio 2012

. Abril 2012

. Março 2012

. Fevereiro 2012

. Janeiro 2012

. Dezembro 2011

. Novembro 2011

. Outubro 2011

. Setembro 2011

. Agosto 2011

. Julho 2011

. Junho 2011

. Maio 2011

. Abril 2011

. Março 2011

. Fevereiro 2011

. Janeiro 2011

.tags

. todas as tags

.Janeiro 2014

Dom
Seg
Ter
Qua
Qui
Sex
Sab

1
2
3
4

5
6
7
8
9
10
11

12
13
14
15
16
17
18

19
20
21
22
23
24
25

26
27
28
29
30
31


.Lhigaçones

blogs SAPO

.subscrever feeds