Terça-feira, 1 de Maio de 2012

Esto de birgo i honra ye ua peta


Nun lhastimes, á Nise, esse tou stado;

Puta giente mui buona lo ten sido;

Putíssemas fidalgas há Lisboua bido,

Miles de bezes putas han reinado:


Dido fui puta, i puta dun suldado;

Cleópatra por puta crona há tubido;

Tu, Lucrécia, cun esse ardor oupido,

La tue cona nun ye un ser hounrado:


La de Rússia ampenetriç afamada,

Que há cachico se morriu (diç la Gazeta)

Antre mil sporras finou se amprouada:


Todas ne l mundo dan bien la sue grieta:

Nun quedes puis, á Nise, çcunselada

Que esto de birgo i honra ye ua peta.


Elmano Sadino [Manuol Bocaige]
Traduçon de Elmano Mirandés

publicado por miraaber às 02:20
link do post | comentar | Adicionar als purferidos
Sábado, 7 de Maio de 2011

Antre las dues nalgas


 

Antre las dues nalgas

l grimado suco

ten oulores d’áfricas

i de ubas d’outubre

 

Deziries que fura

un silbo de muorte

a antrar por todo

l scuro matorral

 

todo inda d’adil

q’inda ende tenies

Respira     Nun fales

Marmura     Nun bózies

 

Que sabor a moras

Que tune tan scuro

Que paç ne l que sufres

por mais uns minutos

 

L cachaço drobas

houmilde i andeble

cumo l dua yeuga

que bai buer auga

 

mas acha la lhuna

I acerca la cama

la rosa biúda

cun lhágrimas brancas

 

yá pide a mius dedos

sacudido apoio

pa la biubeç

que le deixo hoije

 

Muito mais a norte

ls queixumes calhas

I nien gemes   Gozas

anquanto te inche

 

l çumo de la bara

arramado ne l suco

Mira fui tan fácele

Respira mais fondo.

 

David Mourão-Ferreira, Música de Cama (1993)

Puosto an mirandés por Elmano Mirandés

 


publicado por miraaber às 18:52
link do post | comentar | Adicionar als purferidos
Quinta-feira, 17 de Março de 2011

«l ato sexual ye para fazer filhos» - dixo el

 

[poema salido ne l Diário de Lisboua, feito para João Morgado, de l CDS.

Ua marabilha de Natália Correia]

 

 

«L ato sexual ye para tener filhos» - dixo, cun toda sue burrice, l deputado de l CDS na çcuçon trasdontonte subre la lhegalizaçon de l ato de amobir. La repuosta an poema, que onte fazie rir todos ls scanhos parlamentares, bieno de Natália Correia. Eiqui queda:

 

«Yá que l brinco - diç Morgado -

ten cumo fin cristalino,

eisato i eimaculado

fazer ua nino ou nino;

i cada beç que l baron

sexual petiçco manduca,

tenemos na procriaçon

pruoba de que houbo truca-truca.

Sendo pai de un solo arrebento

fácele ye la cuncluson

que de l macho sou strumento

solo ousou - probe raçon! -

ua beç. I se la funçon

fai l uorgano - diç l dito -

acabada essa eiceçon

quedou capado l Morgado.»

 

in Diário de Lisboa, 5 de Abril de 1982

 

 

 

 

publicado por miraaber às 23:33
link do post | comentar | Adicionar als purferidos
Sexta-feira, 25 de Fevereiro de 2011

Antre tues piernas

 

Ye nesse punto

de las tues piernas

que l miu cachaço

forca apledia

 

Mas dás-le l trono

de la lhuç    de la selombra

nun sorbedeiro

de rosas roixas

 

Ye brabo l gusto

de húmada carne

l que derrito

drento la boca

 

Ben nun renuobo

mágica fuorça

Rei me corono

antre tues piernas

 

 

David Mourão-Ferreira, O Corpo Iluminado, 1987

mudado para mirandés por Elmano Mirandés

 


publicado por miraaber às 01:41
link do post | comentar | Adicionar als purferidos
Terça-feira, 22 de Fevereiro de 2011

Pedidos

 

“Ai! Nun lo metas todo... Mais nun puodo...”

Assi Márcia fermosa me dezie;

- Nun sou bárbelo, á moça ( respundie),

Mui sereno berás cumo te coço:

 

“Ai! por Dius, nó... mais nó, tan grande i gordo!”

Quien rejistir a sou falar podie!

Suable la conica le batie,

I diç: “Ai, miu bien! Miu peito ye buosso!”

 

L rebolhar de l culo (ai!) nun te squeça...

Sós tan guapa, miu bien! (ende le digo)

Eilha an suspiros mil, pedir-me ampeça:

 

Pa t’ounir fai-le muito al miu ambigo;

Assi, assi ...ai! nina, mais depriessa!...

Yá me bengo... ai Jasus!... ben-te cumigo!

 

Elmano Sadino

Puosto an mirandés (ye ua foda traduzir este Elmano!) por Elmano Mirandés

 

publicado por miraaber às 23:15
link do post | comentar | Ber comentairos (1) | Adicionar als purferidos
Quarta-feira, 9 de Fevereiro de 2011

Bocaige, l putanheiro

 

Quiero-le eiqui agradecer a Jesé de la Silba i a Çáncia de la Ancarnaçon la grande honra de me habéren cumbidado para esta sue Ourrieta, siempre cun auga tan fresca. La mie gana ye muita, mas l angeinho mui pouquito. Por isso treminei ir a saber d'anspiraçon al miu heirói, que dá pul nome de Elmano Sadino, tamien coincido por Bocaige, un poeta grande cumo l caralho. Fui del que saquei l miu nome Elmano Mirandés, perdonai-me la sobérbia. Por isso bou solo a ampeçar cun miu padrino, sperando ser dino de poner an mirandés ls sous guapos poemas. Quien quejir ler la bersion pertuesa, que baia a saber deilha que anda por muitos lhados, an lhibros i n'anternete. PUode ser que un die destes you tenga anspiraçon i ganhe coraige para eiqui poner algo miu.

 

 

 

 

Quando an mi perdir sue houmanidade

Mais un daqueilhes, que nun fáien falta,

Cumo tal – l teólogo, l peralta,

Algun duque, ou marqués, ou conde, ou frade:

 

Nun quiero antierro de quemunidade,

Que angrole sub venites an boç alta;

Pingados gatarrones, de la malta,

You tamien bos çpenso la caridade:

 

Mas quando ferrugento çacho eidoso

Barranco me scabar an yermo outeiro,

Lhabre-me este dezir mano piadosa:

 

“Eiqui drume Bocaige, l putanheiro:

Tubo bida folgada, i milagrosa;

Quemiu, bubiu, fodiu, mas sien dinheiro."

 

Elmano Sadino

puosto an mirandés por Elmano Mirandés

 

publicado por miraaber às 22:26
link do post | comentar | Ber comentairos (1) | Adicionar als purferidos

.Partecipar

. Partecipar neste blogue

.Ls Outores

.Antradas

. Esto de birgo i honra ye ...

. Antre las dues nalgas

. «l ato sexual ye para faz...

. Antre tues piernas

. Pedidos

. Bocaige, l putanheiro

.Arquibos

. Janeiro 2014

. Agosto 2013

. Outubro 2012

. Setembro 2012

. Junho 2012

. Maio 2012

. Abril 2012

. Março 2012

. Fevereiro 2012

. Janeiro 2012

. Dezembro 2011

. Novembro 2011

. Outubro 2011

. Setembro 2011

. Agosto 2011

. Julho 2011

. Junho 2011

. Maio 2011

. Abril 2011

. Março 2011

. Fevereiro 2011

. Janeiro 2011

.tags

. todas as tags

.Janeiro 2014

Dom
Seg
Ter
Qua
Qui
Sex
Sab

1
2
3
4

5
6
7
8
9
10
11

12
13
14
15
16
17
18

19
20
21
22
23
24
25

26
27
28
29
30
31


.Lhigaçones

blogs SAPO

.subscrever feeds