Sexta-feira, 3 de Janeiro de 2014

Cun Deboçon mas sin Perberson (carta dua lheitora)

 

Que Dius bos dé buonos dies. Chamo-me Marie de la Conceiçon, sou mirandesa, dou catequese a ninos i dou classes de planeamento de la familie a casales de moços i moças (nun tengo nada ancuntra aqueilhes casales de moços cun moços ó moças cun moças, solo que nun son casales i que bán todos a parar al anfierno). Ansino ls casales cumo dében fazer para téneren filhos: las oraçones que dében fazer antes i apuis de l ato, cumo dében fazer para nun mirar pa l cuorpo znudo de l outro, cumo fazer aqueilhes lhençoles que tápan la rapaza toda i solo deixan un buraquito pa l rapaç poder fazer l sou trabalho, cumo dében fazer las cousas de modo a nun tenéren prazer, cousas assí. Ansino-les inda que que las palomitas de la rapaza sérben para dar de mamar a ninos i nun al marido i que la corneta de l home nun sierbe para dar de mamar a naide.

 

Ne ls tiempos úteles, percuro blogues eiróticos na anterneta, tento ancuntrar l andereço de ls outores, i scribo-les amails pa ls cumbencer a deixar essa bida. Foi assí que çcubri este blogue, que solo fala de cousas eimorales, cousa que la lhéngua mirandesa nun merecie. Screbi lhougo a Jesé Silba, tentei cuberté-lo al bien i pedi-le para apagar ls testos i las eimages cun rapazas zambergonhadas que hai por eiqui. El recusou i respundiu: l mássimo que puodo fazer ye publicar-bos alhá la buossas eideias. Ambiai-me testos por amail i tenerei todo l gusto an publicá-los.

 

Siempre ye melhor que nada. Las eimages cuntinán por eiqui, mas puode ser que algun lheitor passe dous minutos a ler las mies palabras i querga eimediatamiente cumbertir-se a la castidade, cumo manda Dius Nuosso Senhor. Decidi até cuontar eiqui uas cousas que ban passando por ende, para deixar algua moral als zambergonhados que bénen eiqui percurar ties znudas. I agora que sabeis cumo beni acá a parar, ende bai l miu purmeiro testo, sobre ua cousa que me sucediu ne l hospital de Miranda i que ye la proba que ls homes son capazes de cousas sublimes i, al mesmo tiempo, mui perbersas. Somos pecadores cumo Mai Eba i Pai Adan.

 

Cuntórum-me que foi anternado un home cun ua grande deboçon a Nuossa Senhora, que cumprou ua eimage deilha an Fátima i le rezaba to ls dies. I fazie bien, porque Nuossa Senhora ye la mais purfeita de todas las mulhieres! Nós, las ampurfeitas, se queremos tener filhos, tenemos que suportar ua corneta grande i grossa pula carne adentro, chena de fuorça, a roçar-se até mos deixar la semente que dará fruito passados nuobe meses. I somos tan ampurfeitas que a las bezes esto nun resulta i tenemos que repetir l' operaçon. Marie, la mais purfeita de las ties, nun tube de passar por esso. L Spirito Santo tratou de l fazer un filho por milagre i arranjou maneira de l cunserbar l hímen anteiro, mesmo quando eilha pariu.

 

Cumo se esto nun bondara, Marie respeitaba l sou home, nun yera daqueilhas que quieren l' eiguladade antre ties i tios. Eilha bien sabie que l trabalho de ua tie ye cuidar de l home i de ls filhos i por esso cuidou siempre de Jesé (sin haber acá antemidades), que ganhaba la bida a fazer cousas de madeira, cumo por eisemplo las cruzes que se usában para se curcificar alguas pessonas.

 

Por todos estes motibos, Marie merece la deboçon deste tiu que diu antrada ne l hospital. Mas l porblema stá ne l tipo de deboçon. Este tiu debe coincer las scrituras, mas squeciu-se de l castigo dibino de l pobo de Sodoma. Pues, ye stais a ber adonde you quiero chegar. Este tio praticou la sodomie. I, se yá yera pecado, praticar-la cun outro tiu ó cu ls bibradores que se bénden nas sex shops (you yá cumprei alguns, para fazer trabalhos de pesquisa, sobre cumo cumbencer las ties a deixar essa prática), maginai l que ye un home praticar sodomie cun ua eimage de la Birgen! Ye que fui mesmo esso que acunteciu, balha-me Dius!

 

Ls médicos alhá fazírun l que podírun pa l tirar la birge de l reto, mas este home ten que lhimpar bien l' alma se nun quier arder ne l fuogo anfernal. Para yá, mandei ls médicos lhimpáren-le l rabo cun auga bienta i apuis bamos a ber l que se puode fazer!!!

 

publicado por Jesé Silba às 16:03
link do post | comentar | Ber comentairos (1) | Adicionar als purferidos

.Partecipar

. Partecipar neste blogue

.Ls Outores

.Antradas

. Cun Deboçon mas sin Perbe...

.Arquibos

. Janeiro 2014

. Agosto 2013

. Outubro 2012

. Setembro 2012

. Junho 2012

. Maio 2012

. Abril 2012

. Março 2012

. Fevereiro 2012

. Janeiro 2012

. Dezembro 2011

. Novembro 2011

. Outubro 2011

. Setembro 2011

. Agosto 2011

. Julho 2011

. Junho 2011

. Maio 2011

. Abril 2011

. Março 2011

. Fevereiro 2011

. Janeiro 2011

.tags

. todas as tags

.Janeiro 2014

Dom
Seg
Ter
Qua
Qui
Sex
Sab

1
2
3
4

5
6
7
8
9
10
11

12
13
14
15
16
17
18

19
20
21
22
23
24
25

26
27
28
29
30
31


.Lhigaçones

blogs SAPO

.subscrever feeds

Em destaque no SAPO Blogs
pub